Саха сиринээҕи ГАВС каассаларыгар «Якутия» уонна «Полярные авиалинии» авиа-хампаанньалар Арктика улуустарыгар көтөр рейстэригэр чэпчэтиилээх билиэттэр атыыга ыам ыйын 31 күнүгэр диэри таҕыстылар.
Ханнык хайысхаларга?
Дьокуускай – Белай Гора: 14285 солк. (Абый улууһа)
Дьокуускай — Эдьигээн: 9985 солк. (Эдьигээн улууһа)
Дьокуускай — Зырянка: 13085 солк. (Үөһээ Халыма улууһа)
Дьокуускай — Муома: 11085 солк. (Муома улууһа)
Дьокуускай —б Саккырыыр: 10385 солк. (Эбээн-Бытантай улууһа)
Дьокуускай — Саскылаах: 15785 солк. (Анаабыр улууһа)
Дьокуускай – Уус Куйга: 11685 солк. (Усуйаана улууһа)
Дьокуускай — Черскэй: 24235 солк. (Орто Халыманан, авиапорт өрөмүөннэниллэр)(Орто Халыма улууһа)
Дьокуускай — Тиксии: 12985 солк. (Булуҥ улууһа)
Дьокуускай — Баатаҕай: 10100 солк. (Дьааҥы улууһа)
Дьокуускай — Орто Халыма: 14600 солк. (Орто Халыма улууһа)
Дьокуускай — Чокурдаах: 13700 солк. (Аллайыаха улууһа)
Дьокуускай – Өлөөн: 12000 солк. (Өлөөн улууһа)
Дьокуускай — Депутатскай: 12000 руб. (Усуйаана улууһа)
Кимнээх туһаналларый?
— РФ гражданина, ити этиллибит улуустарга олорору туоһулуур пропискалаахтар (бүддьүөт эйгэтигэр үлэлиир командировкалаахтар туһамматтар);
— «Земскэй дуоктар» уонна «Земскэй фельдшер» диэн федеральнай бырагыраамалар кыттыылаахтара.
Рейстэргэ чэпчэтиилээх билиэт кубуотанан бэриллэр. 2-тэн 12-гэр диэри саастаах оҕолорго субсидиялаах тарыыптан 25 %-наах чэпчэтии көрүллэр.
Каассалар
Дьокуускайга:
— Орджоникидзе уулусса 8-гар,
— Дзержинскэй уулусса 27/1-гэр.
— Аэропорка, 8 №-дээх каассаҕа. Билсэр төлөпүөннэргит: 8(4112) 402851, 8(4112)423530
Аллараа Бэстээххэ: “Кристалл” атыы-эргиэн дьиэтигэр, 2 этээс, Ленин уулусса 11-гэр, төл.: 8(4114)347136
Покровскайга: “Эдем” атыы-эргиэн дьиэтэ, Николаев уулусса 5-гэр, төл: 8(4114) 445135.
Соҕуруу барар кыахтанныбыт
Анна Чиркова, Абый сэлиэнньэтин олохтооҕо:
— Урут Белай Гораттан Дьокуускайга диэри 30-тан тахса тыһыынча солк. көтөр буоллахпытына, билигин 14 тыһыынча солк. кэриҥэ буолан, олохтоохтор үөрүүбүт муҥура суох. Биир бэйэм икки устудьуоннаахпын, кинилэри дьиэлэригэр сынньата кыайан аҕалааччым суоҕа. Мин эрэ буолбатах, үгүс төрөппүт ити айылаах сууманы кыанааччыта суох. Билигин рейс ахсын чэпчэтиилээх билиэт ахсаана лаппа элбээн, оҕолорбут барахсаттар дойдуларыгар кэлэр кыахтаннылар.
Бу иннинэ билиэт сыаната ыарахан эрдэҕинэ, сайын уоппускабытыгар эрэ Дьокуускайга тиийэр кыахтаах этибит. Биир дьиэ кэргэҥҥэ кэлэ-бара, ортотунан, 250 тыһыынча солк. наада буолара. Онон соҕуруу дойдуларга сынньана барыы туһунан кэпсэтии турбата. Билигин билиэт сыаната чэпчээн, итии дойдуларга сынньана, күүлэйдии барар кыахтанныбыт. Аны туран, көтүү сыаната чэпчээн, доруобуйаларын туругун көрдөрүнэ барааччы ахсаана эмиэ элбээтэ. Саамай көдьүүстээҕэ манна сытар.
Александр Тарасов, edersaas.ru