Уопсастыба

Хоту улуустар уонна түргэн интэриниэт

Ил Дархан Айсен Николаев өрөспүүбүлүкэҕэ түргэн интэриниэти хааччыйар оптика ситимин тардыы үлэтэ тиһиктээхтик салҕанарын туһунан социальнай ситимнэринэн быһа сибээскэ иһитиннэрбитэ.

Ол туһунан sakha.gov.ru бэлиэтииригэр, нэһилиэнньэ 87% түргэн интэриниэтинэн хааччыллыбытын тоһоҕолуур. Маныаха Ил Дархан Хотугу уонна Арктическай оройуоннар, сылдьарга эрэйдээх, суол-ииһэ уустук нэһилиэктэргэ ситими тардыы хаалбытын бэлиэтиир. Быйыл бастакы пилотнай бырайыак түмүктэниэхтээҕин, оптоволокно ситимэ Өлөөҥҥө тиэрдиллиэхтээҕин этэр. Бырайыак болдьоҕор түмүктэнэригэр эрэнэр. Итиэннэ «РФ сыыппараны сайыннарыыга министиэристибэтин көмөтүнэн, Халыма оройуоннарыгар ВОЛС ситимин хааччыйыы боппуруоһа чугастааҕы сылларга быһаарыллыа», — диэбит Айсен Николаев.
Маныаха улуустар салалталара  телекоммуникационнай хампаанньалары кытары дуогабарынан үлэлэһэллэрэ, оптоволокно ситимин тардарга үлэни көҕүлүүрүн сэргэ тэтимирдэн биэрэрэ бэлиэтэнэр.
0
0

Добавить комментарий