Саха АССР 100 сылынан хоту улуустар икки сэлиэнньэлэригэр биэссэр-акушер пууннарын тутарга анал тэриллэр тиэрдиллибиттэр.
Бу туһунан СӨ Доруобуйа харыстабылын министиэристибэтин саайтыгар суруллар. Тутуу доруобуйа харыстабылын бастакы сүһүөх звенотун саҥатытыы иитинэн ыытыллар.
— Икки массыына уонна тутааччылар кэллилэр, — диэн Муоматтан оройуоннааҕы киин балыыһа кылаабынай бырааһа Яков Бережнев иһитиннэрбит. Кини конструкцияны тиэммит көлө Улахан Чыыстайга кэлэн үлэ саҕаланан эрэрин иһитиннэрбит.
Биэссэр-акушер пуунун Сайдыыга тутарга сорох таһаҕас тиэллэн кэлбитин туһунан үөрүүлээх сонунун Дьааҥы оройуонун кылаабынай бырааһа Владимир Докторов эмиэ биллэрбит.
СӨ Доруобуйа харыстабылын министиэристибэтин пресс-сулууспата
+1
+1
+1
+1
+1
+1
+1