Ыраах нэһилиэк оҕолоро оскуолаҕа үөрэнэллэрин көҥүллүөхтэрин сөп

Ил Дархан Айсен Николаев быһа сибээһин кэмигэр үөрэххэ сыһыаннаах элбэх ыйытыы киирэр. Быһа сибээс кэнниттэн СӨ Үөрэҕин уонна наукатын министиэристибэтин, муниципальнай тэриллиилэри кытта мунньахтыыбын диэн эттэ. 

«Үгүс ыйытыы ыраах, ордук хотугу улуустарга ыраахтан олорон (дистанционно) үөрэҕи ыытыыга киирэр. Баҕар, оскуолаҕа тиийэн үөрэнэр боппуруоһу көрүөхпүт. Оҕолору үөрэҕэ суох хаалларар табыллыбат», — диэн Ил Дархан Айсен Николаев эттэ.

Өрөспүүбүлүкэ үрдүнэн 22 тыһыынча кыра дохуоттаах ыал оҕото баар. Ыраахтан олорон үөрэнэллэрин туһугар, кыаллар түгэнигэр, көмпүүтэргэ тиийэ көрөллөрүн эттэ.

Оттон уһуйааннар муус устар 30 күнүгэр диэри үлэлээбэттэрин иһитиннэрдэ. Арай, дьуһуурунайдар эрэ үлэлиэхтэрэ диэн быһаарда.

Людмила ПОПОВА, edersaas.ru