Маны аах Уопсастыба

Хоту төрөөбүт инбэлииттэр дьиэ сэртипикээтин туһаныахтара

Бу күннэргэ РФ Бырабыыталыстыбата хотугу сирдэргэ 1992 сыл тохсунньу 1 күнүн кэнниттэн төрөөбүт инбэлииттэргэ олорор дьиэ сэртипикээтин биэрэр туһунан сокуон бырайыагын оҥорон, РФ Судаарыстыбаннай Дууматын көрүүтүгэр киллэрбитин туһунан «Парламентская газета» иһитиннэрэр. 

Сокуон бырайыагын барылыгар тустаах категорияҕа хабыллар дьон дьиэ сэртипикээтин ылар бырааптарын сөргүтүү, ситиһии буолар. Быһаарыы сурукка тустаах докумуон ыйытыытын олоххо киллэрии дьон бары өттүнэн хаачыстыбалаах дьиэнэн-уотунан хааччыллалларын үрдэтии, ситиһии диэн ыйыллар.

Санатар буоллахха, Коми Тутууга министиэристибэтэ Воркутаҕа олорор, 1993 сыл тохсунньу 1 күнүн кэнниттэн төрөөбүт уонна үһүс группалаах инбэлиит Александр Окуловка дьиэ сэртипикээтин биэрэри аккаастаабыт. Окулов сууттаспытын үрдүнэн, суут Тутуу министиэристибэтин быһаарыытын өйөөбүт.  Ол эрээри, быйыл кулун тутарга Конституционнай суут  Хотугу сиргэ 1992 сыл тохсуннньу 1 күнүн кэнниттэн төрөөбүт инбэлиит дьон дьиэ сэртипикээтин ылалларыгар аккаастааһыны конституционнай өттүнэн сөбө суоҕун туһунан быһаарбыт.

 

0
0
Telegram Whatsapp