Уопсастыба

Хоту оройуоннарга оттук сезона саҕаланна

Сахабыт сирин Уһук хоту биэс оройуоннарын дьиэлэригэр уонна социальнай эбийиэктэригэр «ОДьКХ» ГУП пресс-сулууспата иһитиннэриитинэн, сылаас киирдэ. Сайын бэрт аҕыйах хонукка тохтуу сылдьан баран өссө атырдьах ыйын саҥатыгар Аллайыахаҕа ититии киирбитэ. Оттон Булуҥҥа дьиэлэри сылытар хочуолунай олох да тохтообокко үлэлии турар. Ити оройуоннарга хомунаалынай сулууспа үлэһиттэрэ былааннаммыт өрөмүөнү уонна кыстыкка бэлэмнэнии үлэтин кылгас кэм иһигэр оҥордулар.   

Бу күннэргэ Анаабыр, Аллараа Халыма улуустарыгар хочуолунай үлэтин саҕалаата. Балаҕан ыйын 11 күнүгэр диэри тэрилтэ хааччыйар эбийиэктэригэр, өрөспүүбүлүкэ 26 оройуоннарыгар барыларыгар ититии киириэҕэ.

«Хомунаалынай хаһаайыстыба эбийиэктэрин кыстыкка бэлэмнииргэ 570 мөл. солк. көрүллүбүтэ. Филиалларбытыгар хочуоллары, горелочнай, насоснай оборудованиены, инженернай ситими саҥардаллар», — диэн СӨ ОДьКХ тэрилтэтин кылаабынай инженерэ Юрий Сутемьев билиһиннэрдэ.

70 км. ититии, уу уонна канализационнай ситим турбалара, 72 хочуол, 37 горелочнай оборудование саҥардыллыахтаахтар.

Билиҥҥи туругунан, ыраах арктическай оройуоннар 92% техническэй суолталаах бородууксуйанан хааччыллан олороллор. Сотору кэминэн Халыма-Индигиир улуустарыгар уу суолунан эбии хочуолунай оборудованиены тиэрдиэхтэрэ.

Марианна Тыртыкова, «Саха сирэ», edersaas.ru

0
0

Добавить комментарий