Нэһилиэнньэлээх пууннарга икки ый устатыгар санитарнай ыраастаныы уонна тупсарыы үлэтинэн хамыыһыйа уочараттаах мунньаҕа буолла. СӨ Экологияҕа, айылҕаны туһаныыга уонна ойуур хаһаайыстыбатыгар миниистири бастакы солбуйааччы Семен Яковлев бэрэссэдээтэллээх мунньахха арктическай уонна хотугу оройуоннар баһылыктара кытыннылар диэн тустаах министиэристибэттэн иһитиннэрэллэр.
Баһылыктар санитарнай ыраастаныы хаамыытын билиһиннэрдилэр. Онно этиллибитинэн, бу кэм устатыгар барыта 326 субуотунньук ыытыллыбыт, 8947 киһи кыттыбыт, 2681,3 куб. м. бөх-сах ыраастаммыт, тиэйиллибит.
Субуотунньуктар, тупсарыы, сэргэхситии үлэлэрэ Орто Халыма, Абый, Аллайыаха, Муома уонна Өймөкөөн оройуоннарыгар ордук көхтөөхтүк тэриллибиттэр. Эбээн Бытантай улууһун дьаһалтатыгар сири-уоту ыраастааһын, өрө тардыы, хомуйуу үлэтин көҕүлээн биэрэллэригэр этилиннэ. Маны сэргэ, «Сад памяти» норуоттар икки ардыларынааҕы аахсыйа иитинэн, муниципальнай тэриллиилэр баһылыктарыгар маһы олордорго тэрээһини тэрийэллэригэр сорук туруорулунна.
Хаартыска СӨ Экология министиэристибэтин саайтыттан.
+1
+1
+1
+1
+1
+1
+1