Бу күннэргэ Хаҥалас улууһун Хоточчу нэһилиэгэр » Ылбаҕай ырыа кырдалынан» дуэттар күрэстэрэ буолла.
Самыртай сыһыы нэһилиэктэрин иһинэн ыытыллар тэрээһин быйыл иккис сыла. Тэрээһиҥҥэ дьон сөбүлээн, олус актыыбынайдык кытталлар. Тэрээһини Хоточчуттан уопсастыбаннай кэрэспэндьиэн Лира Яндреева маннык сырдатта:
— 1 миэстэни ылбыт Күөрдэмтэн Александра Иванова, Майя Свинобоева, 2 миэстэлээх Тиит Эбэттэн Ольга Попова, Валентина Яндреева, 3 миэстэни ылбыт биир дойдулаахтарбыт Аксинья Михайлова, Оксана Заболоцкая сахалыы ылбаҕай ырыаны киэҥ араҥаҕа тарҕаталлара бэлиэтэнэн, кыайыылаахтарга өйдөбүнньүк бэлэх туттардылар.
Ырыа бырааһынньыгар дьиэ кэргэнинэн кыттыбыт эдэр ыал Дария Готовцева, Петр Пестерев толорбут ырыалара көрөөччүгэ соһуччу бэлэҕинэн буолла. Биһиги эҥэргэ эдэр ыллыыр паара чугаһынан суох.
Саалаҕа мустубут дьон бары кыттааччыларга хабыллар ытыс тыаһынан биһирииллэрин биллэрдилэр.
Сэргэх тэрээһинтэн дьон-сэргэ астынан, дуоһуйан тарҕаста. Кулууппут үлэһиттэригэр кыттааччылар да, көрөөччүлэр эмиэ махталларын тиэртилэр.
Елена ПОТОЦКАЯ,»Саха сирэ» хаһыат, edersaas.ru
Хаартыска уонна видео Лира Яндреева тиксэриитэ.