Росздравнадзор Саха сиринээҕи салаатын салайар Евгений Иннокентьев эминэн-томунан хааччыллыы, улуустарга тиэрдии туһунан кэпсээтэ.
Хоруона хамсыгын утары охсуһарга ханнык эмтэр ордук көмөлөөхтөрүн, пандемия кэмигэр сүрүн үөрэхтэр тустарынан, уо.д.а. итиннэ сыһыаннаах боппуруостарынан «Якутия 24» ханаалга «Актуальное интервью» биэриигэ тахсыбытын СИА иһитиннэрдэ.
Аптекаларга быһыы-майгы туһунан
—Эмтэри маркировкалааһын тиһигэр тэхиньиичэскэй кыһалҕа үөскүү сылдьыбытыттан итиэннэ оҥорон таһаарааччылар уонна хааччыйааччылар тардылланнар, сорох эмтэр тиийбэт буола сылдьыбыттара. Оттон ааспыт нэдиэлэҕэ маркировкалааһын процедуратын судургутутар миэрэлэр ылылланнар, үлэ тиһиктэннэ, аптекалар эмтэри атыылааһыннарын саҕалаабыттара, — диир Евгений Иннокентьев.
Маны сэргэ, вируһу утары охсуһар сүрүн эмтэр «Арбидол» уонна «Гриппферон» аптекаларга, улуустарга баалларын эттэ. Стационардар эмтэринэн толору хааччыллыбыттар.
—Ыарахан сыаналаах препараттарынан хааччыллыыга, тохтобуллар баар буолбуттарын да иһин, боппуруос быһаарыллан иһэр. «Фавипиравир» диэн саҥа эмп амбулаторнай препараттар испииһэктэригэр киллэриллибитэ. Бу эмп оннугар «Авифавир» уонна «Арепливир» диэни ылыахха сөп, — диэн бэлиэтээтэ Иннокентьев.
РФ таһымыгар хааччахтааһын киллэриллибитин кэнниттэн, эми ылыы кыаллыан сөп буолбут. Холобур, 18 тыһыынча солкуобай оннугар, онтон чэпчэкигэ, алта тыһыынчаттан тахса солкуобайга атыылаһыахха сөп диэн этэр.
Эми уонна бэйэни харыстанар сириэстибэлэри хонтуруоллааһын туһунан
Евгений Иннокентьев пандемия саҕаланыаҕыттан мэдиссиинэ мааскаларын сыаналарыгар хонтуруол олохтоммутун этэр. Ону сэргэ, билигин, мэдиссиинэ мааскалара буолбакка, көннөрү харыстанар мааскалар киэҥник тарҕатыллалларын иһитиннэрэр. Итиннэ сыаната дьон наадыйыытыттан көрөн, ырыынак сыанатынан олохтонор эбит.
—Тыын суолталаах, олус наадалаах эмтэр испииһэктэригэр киллэриллибит препараттар, атыыга тахсалларыгар, хайаатар да хонтуруолланаллар, биирдиилээн да, кууһунан да атыыга. Аптекалар бары бу ирдэбиллэри билэллэр, быраабылалары тутуһаллар. Онон сыананы үрдэтии тахсыбат, — диэтэ.
Маныаха, тыын суолталаах эмтэргэ сыананы үрдэтии түбэлтэтэ кэнники биэс сылга икки төгүллээн тахса сылдьыбытын эттэ.
Ыраах баар улуустары эминэн хааччыйыы туһунан
Аптекалар бары оройуоннарыгар эми-тому тиэрдиигэ сөбүлэһиллибит тиһиктээхтэр.
—Сорох оройуоннарга аптекалар нэһилиэктэригэр бэйэлэрин аптекаларын арыйан үлэлэтэллэр. Ону сэргэ, атын нэһилиэктэргэ эмтэр биэссэр-акушер пууннарын нөҥүө тиэрдиллэр, — диэтэ.
Маны таһынан, эми-тому ыраах улуустарга тиэрдии уустугурбутугар, өрөспүүбүлүкэ суһал ыстааба сөмөлүөтүнэн таһаҕас тиэйиитигэр улахан болҕомтотун ууран үлэлэспит. Ол түмүгэр, билигин Росздравнадзор управлениетыгар мэдиссиинэ таһаҕастарын ыытыыга уустуктар баалларын туһунан иһитиннэрии киирбэт буолбут.
Эми ыраахтан олорон атыылааһын туһунан
Саха сирэ эми интэриниэт ситиминэн атыылыыр субъектар испииһэктэригэр киирбитэ.
—Билиҥҥитэ бу тиһик бары ирдэбиллэригэр эппиэттиир биир муниципальнай аптекалаахпыт. Онуоха хааччаҕа диэн, ырысыаба суох эмтэри ыраахтан олорон атыылыыллар. Оттон ырысыабынан бэриллэр эмтэргэ Арассыыйа үрдүнэн, боппуруос быһаарылла илик, — диир.
Пандемия кэмигэр үөрэхтэр тустарынан
Арассыыйаҕа дистанционнай үлэ сүрүн буолла.
—Билигин «Облачная поликлиника» үлэлиир. Ону сэргэ, телемэдиссиинэнэн сүбэни-аманы мобильнай тэрилинэн туһаналларын курдук киллэриэххэ сөп, — диэн эттэ.
+1
+1
+1
+1
+1
+1
+1