Кулун тутар 1 күнүгэр өрөспүүбүлүкэҕэ 40 киһи саҥа коронавируснай инфекциянан ыалдьыбыта бигэргэннэ. Ол иһигэр, Дьокуускайга — 28, Мииринэйгэ — 3, Нерюнгригэ — 2, өссө сэттэ улууска биирдии киһи ыарыйда. Онон, бүгүҥҥү туругунан, 10 оройуоҥҥа уонна куоракка ыарыы баар.
Суукка иһигэр барыта 603 анаалыс, пандемия саҕаланыаҕыттан барыта 967 633 анаалыс оҥоһуллубута биллэр.
Өрөспүүбүлүкэҕэ коронавирус ыарыыны утары быһыыны биэрии салҕанар. Суһал ыстаап салайааччытын солбуйааччы Ольга Балабкина иһитиннэрбитинэн, Анаабыр, Булуҥ, Дьааҥы, Чурапчы, Усуйаана, Муома, Эбээн Бытантай улуустарыгар быһыыны ылыы ахсаана намыһах. Бу улуустар ыраах сыталларынан уонна нэһилиэнньэлэрэ аҕыйаҕынан (Чурапчыттан ураты) буолуон сөп, ол эрээри вакцина ахсаана толору тиийдэҕинэ, бэйэлэрин нуормаларын толоруохтара диэн Суһал ыстаап иһитиннэрэр.
Ангелина Васильева, edersaas.ru
Хаартыска: СИА.