Сүрүн Уопсастыба

Хоруона хамсыгар 195 киһи хаптарбыт



Хоруона хамсыгын утары охсуһар өрөспүүбүлүкэтээҕи суһал ыстаап бүгүн, ахсынньы 26 күнүгэр иһитиннэрбитинэн, кэнники хонукка уопсайа 195 киһи дьаҥҥа хаптарбыт. 

Ити иһигэр 17 киһи дьаҥы таһааччы буолара быһаарыллыбыт. Дьокуускайга — 85 киһи коронавируска хаптарбыт. Мииринэй оройуонугар — 18, Нерюнгри оройуонугар — 15. Алдаҥҥа, Мэҥэ Хаҥаласка 11-дии киһи ыалдьыбыта бэлиэтэнэр. Аммаҕа уонна Бүлүүгэ — алталыы, Томпо оройуонугар — биэс, Эдьигээн, Ленскэй уонна Таатта оройуоннарыгар түөртүү киһи дьаҥнаабыт. Үөһээ Бүлүүгэ, Верхоянскайга, Намҥа, Уус Алдаҥҥа үстүү киһи дьаҥнаабыта бэлиэтэнэр. Муомаҕа, Чурапчыга иккилии, Кэбээйигэ, Өлөөҥҥө, Сунтаарга, Уус Маайаҕа, Хаҥаласка уонна Эбээн Бытантайга биирдии киһи ыалдьыбыт.

Биир хонук устатыгар лабораторияларга 2 603 анаалыс оҥоһуллубут.

0
0

Санааҕын суруй