Билигин халлаан сылыйан, үгүс дьон маай өрөбүллэригэр аймахтарын-доҕотторун кытта айылҕаҕа сынньана тахсыахтара. Муус устар 30 күнүттэн Сахабыт сиригэр Госпожнадзор, Экология, айылҕаны туһаныы, ойуур хаһаайыстыбатын министиэристибэтин, ИДьМ уонна муниципальнай тэриллии административнай хамыыһыйатын чилиэннэрэ ойуурга баһаартан сэрэхтээх буолуу быраабылатын дьон төһө тутуһарын рейдэ оҥорон, кэтээн көрөллөр.
edersaas.ru
Рейдэ кэмигэр айылҕаҕа уоту куттала суох хайдах туттуохха сөбүн нэһилиэнньэҕэ өйдөтөр-үөрэтэр үлэни ыыталлар. Бырааһынньык күннэригэр нэһилиэктэр, даачалар аттыларыгар 34 рейдэ оҥоһулунна.
СӨ ЫББМ Сүрүн управлениета тыа хаһаайыстыбатыгар туттуллар сиргэ, ол саппааһыгар уонна хонууга уоту оттор бобулларын туһунан сэрэтэр. Ону кэспит дьон РФ КоАП 8.32, 20.4 ыстатыйатыгар олоҕуран, биирдиилээн дьон 5000 солкуобайга диэри, дуоһунастаах дьон 20 000 солкуобайга, юридическэй сирэйдэр 1 мөлүйүөҥҥэ тиийэ ыстарааптаныахтара. Эбэтэр УК РФ 261 ыстатыйатыгар олоҕуран, 3 мөлүйүөҥҥэ тиийэ ыстарааптанан, көҥүллэрин 10 сылга диэри быстарыахтарын сөп. Ол туһунан ЫБММ пресс-сулууспата иһитиннэрэр.
Марианна Тыртыкова, «Саха сирэ», edersaas.ru
+1
+1
+1
+1
+1
+1
+1