Олунньу саҥатыгар СӨ Тыа хаһаайыстыбатын миниистирин солбуйааччы Николай Афанасьев видеонан кэмпириэнсийэнэн быйыл сыл саас ыытыллыахтаах хонуу үлэтин боппуруоһун дьүүллэстилэр. Мунньахха «Служба земледелия РС(Я)» ГБТ , «Россельхозцентр» филиала уонна улуустартан тыа хаһаайыстыбаларын управлениеларын салайааччылара, агрономнар кыттыыны ыллылар.
Николай Афанасьев иһитиннэрэринэн, быйылгы сылга тыа хаһаайыстыбатын култууратын олордуу иэнэ барыллаан, 49,1 тыһыынча гектар буолуоҕа. Ааспыт сылга 47,1 тыһыынча гектарга олордуллубут. Итинтэн туорахтаах култуураҕа 10,5 тыһыынча гектар, сүөһү аһылыгар 30,8 тыһыынча гектар, хортуоскаҕа 6,4 тыһыынча гектар, аһаҕас буорга олордуллар оҕуруот аһыгар 1,3 тыһыынча гектар.
Быйылгы сылга сааскы хонуу үлэтигэр уопсайа 197,4 мөлүйүөн солкуобай көрүлүннэ. Каассабай былаанынан 98,69 мөлүйүөн солкуобай кулун тутарга ыытыллыахтаах.
—Өрөспүүбүлүкэҕэ ыһыы үлэтэ ыам ыйын саҥатыттан саҕаланар. Билигин хаһаайыстыбалар минеральнай уоҕурдууну, үүнээйи сиэмэтин атыылаһарга дуогабар түһэрсэ сылдьаллар, – диэн миниистири солбуйааччы эттэ.
СӨ Тыа хаһаайыстыбатын министиэристибэтин пресс-сулууспата.