Уопсастыба

Хонтуруоллуур рейдэлэр

Өрөспүүбүлүкэҕэ эргиэн, атыы, өҥөнү оҥоруу тэрилтэлэригэр, аһыыр сирдэргэ санитарнай -эпидемиологическэй быраабылалары хонтуруоллуур тэрээһиннэр салҕаналлар. Бэс ыйын 21-27 күннэригэр Саха сиригэр 536 рейдэ ыытылынна. Бу туһунан СӨ Бырабыыталыстыбатын  вице- премьерэ Михаил Никифоров иһитиннэрдэ.

Хонтуруоллуур тэрээһиннэр 10 оройуоҥҥа уонна куорат уокуруктарыгар: Алдан, Мэҥэ  Хаҥалас, Мииринэй, Өймөкөөн, Сунтаар, Таатта, Томпо, Уус Маайа оройуоннарыгар, Жатайга уонна Дьокуускай куоракка ыытылыннылар.

Михаил Никифоров ааспыт нэдиэлэтээҕи түмүгүнэн өрөспүүбүлүкэҕэ 5 хамыыһыйа көрүүтүн аактата, 2 сэрэтии, 6 быһаарыы сурук,  административнай быраабы кэһии туһунан 13 боротокуол толоруллубутун,  410 сэрэтэр кэпсэтиилэр ыытыллыбыттарын иһитиннэрдэ.

Административнай хамыыһыйаны кытары Дьокуускай куорат суһал ыстааба кыттыылаах СӨ Роспотребнадзорун управлениетын салалтатынан Предпринимательство, атыы- эргиэн уонна туризм министиэристибэтэ 376 бэрэбиэркэни 295 атыы-эргиэн, 58 аһыыр сир, 10 өҥөнү оҥорор эбийиэккэ, 12 аралдьытар кииҥҥэ, биир фитнес-кииҥҥэ уо. д. а. ыыппыттар.

Рейдэ түмүгүнэн, эбии тэрээһиннэри ыытарга 2 сэрэтии бэриллибит, административнай быраабы кэһиигэ 9 боротокуол толоруллубут, 268 сэрэтэр кэпсэтии үлэтэ ыытыллыбыт.

Надежда Ильина

0
0