Хомусчут Айсен Аммосов бу күннэргэ «Хотугу түүл» диэн саҥа килиибин таһаарда. Килиибин инстаграмҥа бэйэтин страницатыгар таһаарбытын үгүс киһи сэргээтэ.
Айсен Аммосов: «Хас биирдии омук сүдү күүһэ, тыынар тыына, силиһэ — төрөөбүт дойдутун салгына! Дойдум ураты, кэрэ айылҕатыгар сүгүрүйүүм, тапталым бу клиппын устарбар төрүт буолбута, кынаттаабыта. Сахам Сирэ, кэрэҕин даҕаны! Түгэнинэн туһанан, клип устуутугар төһүү күүс буолбут «Кулун» хампаанньаҕа барҕа махталбын тиэрдэбин! Чуолаан истиҥ доҕорбор, мин хас биирдии иэйиибин ситэри чочуйан, тиһигэр тиэрдэн саҥалыы тыынныыр киһибэр — Виктория Оленоваҕа @ol.viva махталым муҥура суох! Ону тэҥэ оператор уолга @reyniego биир дойдулаахпар МАХТАЛ!», — диэн инстаграмыгар суруйда (https://www.instagram.com/p/CJgJ36DJOGx/)
edersaas.ru