Ааспыт нэдиэлэҕэ өрөспүүбүлүкэ үрдүнэн Олоҥхо күнүн бэлиэтээбит буоллахпытына, бу нэдиэлэҕэ, сэтинньи 30 күнүгэр, аны Хомус күнүн ылыахпыт.
Санатар буоллахха, Хомус күнэ 2011 сылтан Саха сиригэр бэлиэтэнэр. Ураты күн чэрчитинэн, өрөспүүбүлүкэ үрдүнэн анал тэрээһиннэр ыытыллыахтара.
Ол курдук, олортон биир улахан тэрээһин сэтинньи 30 күнүгэр киин куоракка Суорун Омоллоон аатынан Опера уонна Балет тыйаатырыгар «Куйаартан кутуллар дорҕооннор» диэн улахан кэнсиэр киэһэ 6 чаастан буолуоҕа. Тэрээһиҥҥэ аан дойду таһымнаах виртуоз-хомусчуттар, биллэр-көстөр ансаамбыллар кыттыахтара. Тыйаатырга киирэргэ куйаар-куодтаах буоларгыт булгуччу ирдэнэр. Билиэт сыаната 200 солк. Хомустаах кэлэргитин умнумаҥ.
+1
+1
+1
+1
+1
+1
+1