Хомунаалынай хаһаайыстыба уонна энергетика үлэһиттэрэ ойуур баһаарын умуллараллар
Ойуур уотун умулларыыга кимнээх, хайдах кытта сылдьалларын ааҕыҥ.
Өрөспүүбүлүкэ хомунаалынай комплексын уонна энергетикатын үлэһиттэрэ ойуур баһаардарын умулларыыга кытталлар. Бу туһунан туһааннаах министиэристибэ мунньаҕар бэлиэтээтилэр.
“Якутскэнерго” ПАУо кылаабынай инженерэ Игорь Шкурко иһитиннэрбитинэн, Уус Маайа оройуонугар уот линиятын чөлүгэр түһэрэллэр. Туһанааччыларга уоту быстах схеманан дизельнэй ыстаансыйалар биэрэллэр. Саха сирин арҕаа өттүгэр умайыыны кэтээн көрөр дьуһуурунай баһаарынай дружиналар тэрилиннилэр. Билиҥҥи туругунан уот линияларыгар уот суоһаабат.
Ааспыт өрөбүллэргэ “Теплоэнергосервис” АУо 36 үлэһитэ уонна 8 тиэхиньикэтэ Өймөкөөн оройуонун Төрүт сэлиэнньэтин таһынааҕы баһаары умулларыыга үлэлээтилэр.
“СӨ ОДьКХ” ГУП генеральнай дириэктэрэ Виталий Чикачев иһитиннэрбитинэн, тэрилтэ үлэһиттэрэ өрөспүүбүлүкэ 7 оройуонугар ойуур баһаарын умулларыыга кытталлар. Уопсайа 64 үлэһит уонна 6 тиэхиньикэ анаммыттар.
СӨ ОДьКХ уонна энергетика миниистирэ Вячеслав Емельянов ойуурга суоһуур баһаары умулларыыга кыттааччыларга махтанна.
“Бары кыттар үлэһиттэргэ махтанабын. ОДьКХ уонна энергетика министиэристибэтин аатыттан бу үлэһиттэри биэдэмистибэннэй наҕараадаларга түһэриини тэрийиҥ”, — диэн бэлиэтээтэ миниистир.
Ону сэргэ кини тэрилтэлэргэ уоту мулларыыга наадалаах производственнай-тэхиньиичэскэй саппааска ревизия ыытарга эттэ.
СӨ ОДьКХ уонна энергетика министиэристибэтин пресс-сулууспата
Бэлэмнээтэ Женни Стрюкова
Хаартыска: “Теплоэнергия” АУо