Сотору «Холодное золото» диэн саҥа киинэ тахсыаҕа

Ааптар: 
Бөлөххө киир:

Бу күннэргэ «Хики филмз» киинэ хампаанньа «Сахафильм» хампаанньаны кытта уһула сылдьар «Холодное золото» диэн киинэ тизер-трейлерин социальнай ситимнэргэ таһааран дьон сэҥээриитин ылла.

edersaas.ru

Киинэ аҕыйах кэм аннараа өттүгэр кистэнэр болдьоҕо ааспыт, УФСБ архыыбыгар сытар докумуоннарга олоҕуран уһуллубута биллэр. Манна көстөр быһылааннар Аҕа дойду Улуу сэриитин кэмигэр буолбуттар, онон хартыына Кыайыы 75 сылыгар уонна тустаах уорганнар Саха сиригэр тэриллибиттэрэ 100 сылыгар ананан уһулла сылдьар. Киинэ бырайыагын Саха сирин Ил Дархана Айсен Николаев өйөөбүтэ.

Саҥа киинэ сценарийын Любовь Борисова суруйбут, операторынан Иван Семенов буолбут, оттон бырайыак продюсерынан Сардана Саввина анаммыт. Киинэни эдэр режиссер Петр Хики уста сылдьар. Бу эдэр режиссер былырыын “Күлүк Хомус” диэн киинэтинэн элбэх дьону соһутан, көрөөччү биһирэбилин ылан, эмискэ Саха сирин режиссердарын кэккэлэригэр чаҕылхайдык киирбитэ.

Киинэ хайдах, ханна уһуллубутун туһунан хартыына оператора Иван Семенов маннык кэпсээтэ:

— Быйыл саас, кулун тутар диэки, уһулан саҕалаабыппыт, үксүн Хаҥалас Хачыкаатын таһыгар устубуппут. Балтараа ый кэриҥэ күргүөмнээх үлэ барбыта. Биллэр артыыстар, идэтийбит дьон үлэлиир буоланнар устуу хаамыыта олус түргэнник, көхтөөхтүк ааспыта. Өссө сэтинньи ыйга эбии устуу былааҥҥа баар. Мин санаабар, олус интэриэһинэй ккинэ-сэһэн оҥоһуллан тахсаары турар. Бар дьоммут биһиги үлэбитин сөбүлүө диэн эрэнэбин.

«Холодное золото» киинэ тизерин манна көрүҥ:

https://www.instagram.com/tv/CE6R9ZTje8v/?igshid=1mrvizu9bd7cc

Егор Карпов, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0