Холкутуйарга өссө да эрдэ
Олох-дьаһах

Холкутуйарга өссө да эрдэ

Балаһыанньа кыралаан тупсуон сөп курдук. Ол эрээри, бары ирдэбиллэри кытаанахтык тутустахпытына эрэ, коронавирус дьаҥын бохсор кыахтаахпыт туһунан, Ил Дархан Айсен Николаев бүгүн, бэс ыйын 26 күнүгэр, брифиҥҥэ өссө төгүл тоһоҕолоото. 

Кэнники биир хонукка өрөспүүбүлүкэ үрдүнэн барыта 50 киһи бу дьаҥҥа хаптарбыт. Итинтэн 45 киһи Дьокуускай куоракка олорор. Икки киһи Мииринэй оройуонугар уонна биирдиилээн атын улуустарга ыалдьыбыттарын анаалыстара көрдөрбүт.

Балаһыанньа арыый бэттэх кэлиитэ, өрөспүүбүлүкэтээҕи уонна улуустарга баар суһал ыстааптар хааччахтааһын миэрэлэрин тутуһууну киллэриилэрин, ирдээһиннэрин түмүгэ буоларын Ил Дархан бэлиэтээтэ. Ол гынан баран, холкутуйар билигин да табыллыбат диэн кини этэр. Итиниэхэ ыалдьааччы ахсаана аҕыйыы сылдьыбыт түгэннэрин, ол эрээри, араас биричиинэнэн дьаҥ төттөрү көбөн кэлбитин бэлиэтээтэ. Итиэннэ, коронавирус дьаҥа, хомойуох иһин, Өлөөҥҥө уонна Абыйга бэлиэтэммиттэрин эттэ.

 

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

20 − двадцать =