Сүрүн Уопсастыба

Холкутуйарга эрдэ, аны Алаһыай уута ааҥныаҕа

Халыма эҥээр үс улууска икки күннээх оробуочай сырыы түмүгүнэн, Айсен Николаев быһыы-майгы бу улуустарга тус-туһунанын бэлиэтээтэ уонна өрөспүүбүлүкэ салалтата дьаһалы уталыппакка ылара наадатын эттэ.

edersaas.ru

Үөһээ Халымаҕа уу түһэн эрэр буоллаҕына, Орто Халымаҕа кутталлаах кирбиигэ турар. Оттон Аллараа Халымаҕа уу саамай үгэннээн кэлэр, Колымскай уонна Походскай сэлиэнньэлэри, Черскэйдээҕи авиапорду ылбыт.

Ил Дархан эбээһинэһин быстах кэмҥэ толорооччу улуустар дьаһалталарын кытары мунньахтарга халаан содулун туоратыыга тирээн турар соруктары туруорда. Ууттан босхоломмут Зырянкаҕа, Верхнеколымскайга чөлүгэр түһэрэр үлэни суһаллык саҕалыырга, Орто Халымаҕа оҕо сайыҥҥы сынньалаҥын тэрийэргэ Үөрэх министиэристибэтин кытары үлэлииргэ, улуус киинигэр быһыты бөҕөргөтөргө сорудахтаата. Даҕатан эттэххэ, бу быһыт баар буолан, бөһүөлэк улахан өттүгэр уу суоһаабата. Кэлэр сылларга уу ылар сириттэн дьону көһөрүүгэ, саҥа микро-оройуоннары үрдүк сирдэргэ тутарга үлэ барарын наадалааҕынан аахта. Аллараа Халымаҕа чөлүгэр түһэрэр үлэни таһынан, Черскэйтэн Дьокуускайга уонна өрөспүүбүлүкэ тас өттүгэр көтүөхтээх дьоҥҥо көмөлөһөргө, дьон босхо бырайыаһынан туһанар быраабын сөргүтэр туһунан боппуруоһу көрөргө эттэ.

— Билигин уу түһэр диэн холкутуйарга эрдэ, аны Алаһыай өрүс уута киириэ, Орто Халыма улууһун Сыбаатай, Арҕахтаах нэһилиэктэрин уонна Аллараа Халыма улууһун Андрюшкино бөһүөлэгин уу ылар куттала улахан. Онон, бары күүһү улахан хоромньу оҥоһуллубатын туһугар түмүөҕүҥ, эмсэҕэлээбит дьоммутун өйүөҕүҥ, — диэтэ Айсен Николаев түмүгэр.

Раиса Сибирякова, Саха сирэ» edersaas.ru.

Хаартыскаҕа Галина Мозолевская түһэриитэ

0
0

Добавить комментарий