Бүгүн, олунньу 1 күнүгэр, «Саха» НКИХ ханаалыгар 11.00 чаастан СӨ бырабыыталыстыбатын 2019 сыллааҕы үлэтин отчуоттаата.
Улуустартан «Оҕо уhуйааннарыгар кыра саастаах оҕолорго эбии миэстэ арылларын туhунан, ходуhалары сааскы оттооhун ыытыалыан сөп дуо?» диэн, 2%-наах ипотекаҕа ирдэниллэр докумуон туhунан ыйыттылар.
2019 сылга өрөспүүбүлүкэ 12 оҕо уhуйааныгар кыра саастаах оҕолорго диэн эбии 1400 миэстэ көрүллүбүт. Бу үлэ салҕаныаҕа. Ходуhа сирин сааскы өртөөhун бобуллар. Ол гынан баран, 2018 сылтан тыа хаhаайыстыбатын министиэристибэтэ ыытар чинчийиитин түмүгүнэн, өртөөhүн от үүнүүтүн тупсарар диэн түмүк оҥордо. Онон хаар түhүөн аҕай иннинэ ыытыллар күhүҥҥү өртөөhүн көҥүлүн туруорсуохпут диэн бырабыыталыстыба бэрэссэдэтэлин солбуйааччы Денис Белозёров эттэ.
2%-наах ипотекаҕа ирдэнэр докумуоннар тустарынан бырабыыталыстыба бэрэссэдээтэлин солбуйааччы Кирил Бычков кэпсээтэ. Уhук Илин гектарыгар олорор дьиэни туттарга бастакы сайаапка Саха сиригэр киирбит. Кирил Бычков тыа сиригэр 2%- наах ипотека кирэдьиитэ тутуллан бүппүт дьиэгэ эмиэ бэриллэрин санатта.
Ньургуйаана Иванова, edersaas.ru