Уус Маайа сирэ-уота киэҥинэн-куоҥунан итиэннэ өрүстээх да, элбэх үрэхтэрдээх да буолан, оттуурга-мастыырга табыгастааҕынан аатырар.
edersaas.ru.
Ол эрээри, кэлиҥҥи сылларга улууска ходуһа сирин иэнэ аччаан иһэрэ итиэннэ үүнүү кыамтата намтаан иһэрэ бэлиэтэнэр буолла. Мындыр кырдьаҕастар итинник көстүү сүрүн төрүөтүнэн сопхуос ыһылларын саҕана паайга бэриллибит сирдэр чааһынай бас билиигэ киирэн баран, ситэри туһаныллыбакка, бүтэ оһон хаалбыттара, кур лаҥханан уонна талаҕынан бүрүллүбүттэрэ итиэннэ сааскы өртөөһүн бобуллубута буоларын бэлиэтииллэр. Бу ааспыт сүүрбэттэн тахса сыл устатыгар хотуур түспэтэҕин итиэннэ төрүт өртөммөтөхтөрүн түмүгэр, урут от бөҕөтүн оттоппут өрүс хочолоро, от үрэхтэр сэтиэнэх отунан дьапталҕаланан сыталлар. Ити иһин улуус олохтоохторо саас кэтээн-манаан туран өртүүрү сөргүтэр туһунан Бырабыыталыстыба отчуоттуур мунньахтарын аайы туруорсаллар.
Евсей Лугинов, Уус Маайа, «Саха сирэ» edersaas.ru.