Хочуолунайдарга куттал суох буолуутун Арассыыйа ЫБМ исписэлиистэрэ хонтуруоллууллар
Хочуолунайдары кимнээх хонтуруоллуулларый?
Арассыыйа ЫБМ кылаабынай управлениетын Саха Өрөспүүбүлүкэтигэр күүстэрэ ахсынньы 31 күнүттэн тохсунньу 11 күнүгэр диэри күүһүрдүллүбүт үлэ көрүҥэр көстүлэр. Баһаары судаарыстыбаннай кэтээн көрүү үлэһиттэрин хонтуруолугар эрэгийиэн олоҕу-дьаһаҕы хааччыйар бары эбиийэктэрэ киирэллэр, диэн бу управление дьиҥ саайтыгар иһитиннэрдилэр.
Хонтуруолу ыыталларыгар Баһаары кэтиир сулууспа үлэһиттэрэ автоматическай баһаар сигнализацията хайдах үлэлиирин, дьону хайдах дьиэттэн таһаарары, иһирдьэ-таһырдьа баһаары умулларар тиһиктэр хайдах үлэлииллэрин уо.д.а. көрөллөр.
“Дьиҥэ, маннык тэрээһиннэри олоҕу-дьаһаҕы хааччыйар эбийиэктэргэ куруук ыытыахха наада. Баһаартан куттал суох буолуутун ирдэбиллэрин үлэһиттэргэ хатылааһын туһата улахан. Исписэлиистэрбит сыл саҕаланыаҕыттан сылааһынан уонна уотунан хааччыйар 40 эбийиэги көрдүлэр-иһиттилэр, тэрилтэлэргэ 150 үлэһиккэ инструктаж оҥордулар”, — диэн Арассыыйа ЫБМ Саха Өрөспүүбүһлүкэтигэр управлениетын Кэтээн көрүүгэ уонна сэрэтэр үлэлэргэ отделын начаалынньыга Александр Галей иһитиннэрдэ.
Туһааннаах управление сэрэтэр: “Өскөтүн иэдээҥҥэ түбэстэххитинэ эбэтэр туоһу буоллаххытына “101” эбэтэр “112” төлөпүөҥҥэ эрийиҥ”.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын саайтыттан
Бэлэмнээтэ: Женни Стрюкова
Хаартыска: тустаах саайтан