Дьокуускайга А.Е.Кулаковскай аатынан норуоттар доҕордоһууларын дьиэтэ СӨ Тас сибээскэ уонна норуоттар дьыалаларыгар министиэристибэ өйөбүлүнэн, Кыайыы 75 сылынан, куйаар ситиминэн хоһоону, айымньыны ааҕыы өрөспүүбүлүкэтээҕи күөн күрэһин тэрийэн ыытта.
Куонкуруһу көҕүлээччи уонна куратор — А.Е.Кулаковскай аатынан норуоттар доҕордоһууларын дьиэтин этнокултуураҕа секторын исписэлииһэ Ираида Коркина. «Строки, опаленные войной» күрэскэ барыта 362 куонкурустаһааччы хоһоону ааҕарын видеоҕа устан ыыппыт. Биллэрин курдук, күрэстэһии коронавирус дьаҥа туран, куйаар ситиминэн ыытыллыбыт.
Күрэскэ кыттааччылары «6-8 саастаахтар», «9-12 саастаахтар», «13-17 саастаахтар», 18-35 саастаахтар», «36 уонна онтон үөһээ саастаахтар» диэн бөлөхтөрүнэн араарбыттар. Усулуобуйа быһыытынан, күрэстэһээччилэр байыаннай тиэмэҕэ анаммыт хоһоону, айымньыны аахпыттар. Хас биирдии бөлөхтөн уоннуу ааҕааччыны түмүккэ талбыттар. Арай, «13-17 саастаахтар» бөлөхтөрүттэн 11 кыттааччы түмүккэ киллэриллибит. Бу туһунан норуоттар доҕордоһууларын дьиэтин пресс-сулууспата иһитиннэрэр.
Күрэскэ киирбит роликтар норуоттар доҕордоһууларын дьиэтин официальнай аккаунт-инстаграмыгар туруоруллубуттар. Куоластааһын онон ыытыллыбыт, дьүүллүүр сүбэ түмүккэ кыайыылаахтары быһаарбыт.
Дьүүллүүр сүбэҕэ: Колосова Розалия Ефимовна – А.Е.Кулаковскай аатынан норуоттар доҕордоһууларын дьиэтин генеральнай дириэктэрин бастакы солбуйааччы, РФ уонна СӨ Култууратын үтүөлээх үлэһитэ; Шишигина Любовь Егоровна – норуоттар доҕордоһууларын дьиэтин издательскай уонна маркетиноговай үлэҕэ салаатын салайар, СӨ Култууратын туйгуна; Павлова Айна Ивановна – норуоттар доҕордоһууларын дьиэтин үөрэтэр-методологическай киинин бибилэтиэкэҕэ дьыалатын методиһа; Коркина Ираида Федоровна – норуоттар доҕордоһууларын дьиэтин этнокултуураҕа секторын сүрүннүүр исписэлииһэ үлэлээбиттэр.
ГРАН-ПРИ (муҥутуур кыайыылаах)
- Бары бөлөхтөртөн талыллан Гран-при аатын Екатерина АНТИПИНА , Ленскэй оройуон, Пеледуй бөһүөлэгиттэн 11 кылаас үөрэнээччитэ ылбыт.
«6-8 саастаахтарга»
- «I истиэпэннээх лауреат» аатын Кузьмина Дарья, Дьокуускай куорат 77-с №-дээх «Сказка» оҕо саадын иитиллээччитэ ылбыт.
- «II истиэпэннээх лауреат» уонна «Көрөөччүлэр биһирэбиллэрэ» (инстаграмынан куоластааһынынан) анал аат хаһаайынынан Амыдаев Ньургун, 7 саастаах, Дьокуускай куорат 10 №-дээх оскуолатын үөрэнээччитэ буолбут.
- «III истиэпэннээх лауреат» Печерица Кирилл, 7 саастаах, Алдан куоратыттан «Светлячок» оҕо саадын иитиллээччитэ талыллыбыт.
- «Ураты ааҕыы» кыайыылаахтарынан Садовникова Айыына уонна Садовников Айхал, Аллайыахаттан, Чокуурдаах оскуолатыттан кыттыбыт кырачааннар тахсыбыттар.
- Күүстээх уобарас» анал аатыгар Калдарова Элина, Дьокуускай куорат «Хотугу сулустар» 15-с №-дээх оҕо саадын иитиллээччитэ тиксибит.
«9-12 саастаахтарга»
- » I истиэпэннээхх лауреат» — Фадеева Анна, 9 саастаах, Дьокуускай куорат Д.Г.Новопашин аатынан 10-с №-дээх оскуола 3-с кылааһын үөрэнээччитэ.
- «II истиэпэннээх лауреат» уонна «Көрөөччүлэр биһирэбиллэрэ» — Слепцов Эльдар, 9 саастаах, И.Д.Винокуров-Чаҕылҕан аатынан оскуола 3 «В» кылааһын үөрэнээччитэ.
- Нам. «III истиэпэннээх лауреат» — Григорьева Любовь, 9 саастаах, Ленскэй оройуон 3 -дээх орто оскуолатын үөрэнээччитэ, «Каламбур» куруһуок иитиллээччитэ.
- «Дириҥ иэйиилээх толоруу» — Серватовская Софья, Алдан 1 №-дээх орто оскуолатын үөрэнээччитэ.
- «Күүстээх уобарас» анал аат хаһаайкатынан ТУРЛАКОВА Олеся, Дьокуускай куорат Н.О.Кривошапкин аатынан 5 №-дээх орто оскуола 3 «В» кылааһын үөрэнээччитэ.
- «13-17 саастаахтарга»
- «Лауреат I степени» — Бороменская Наталья, член театральной студии «Маска», Мирнинский район, п.Чернышевский.
- «II истиэпэннээх лауреат» — Кудрявцева Татьяна, Алдан оскуолата.
- «III истиэпэннээх лауреат» — Сивцев Влад, Томпо, 11 кылаас үөрэнээччитэ.
- «Көрөөччүлэр биһирэбиллэрэ» анал аат – Федо Александра, Алдан оскуолатын үөрэнээччитэ.
- «Дириҥ иэйиилээх толоруу» анал аат — Уйгулана Пермякова, Уус Алдан, Тумул , 7 кылаас үөрэнээччитэ.
- «Сильный образ» — Тирская Александра, Дьокуускай куорат 23 оскуола, 7 кылаас.
- «Душевное исполнение» — Новгородова Евгения, Нам, I Хомустаах оскуолата.
«18-35 саастаахтарга»
- «I истиэпэннээх лауреат» — Шарипова Динара, Дьокуускай.
- «II истиэпэннээх лауреат» — Угапьева Хаарчаана, Дьокуускай.
- «III истиэпэннээх лауреат» — Агарков Егор, «Маска» театральнай устуудьуйа чилиэнэ, Чернышевскай бөһүөлэгэ, Мииринэй.
- «Көрөөччүлэр биһирэбиллэрэ» – Прокопьев Айтал, Тумул, Уус Алдан.
- «Сильный образ» — Чехова Наталья, «Мааска» театральнай устуудьуйа чилиэнэ, (сал. Коршунова Александра Владимировна), Чернышевскай бөһүөлэгэ, Мииринэй.
«36 уонна онтон үөһээ саастаахтарга»
«I истиэпэннээх лауреат» — Федорова Ирина, Михайловка, Амма улууһа.
-
- «II истиэпэннээх лауреат» — Шобоева Эржена, Чернышевскай бөһүөлэгэ, Мииринэй.
- «III истиэпэннээх лауреат» — Аксиненко Татьяна, «Маска» театральнай устуудьуйа чилиэнэ, Чернышевскай, Мииринэй.
- «Көрөөччүлэр биһирэбиллэрэ» – Неустроева Ольга, педагогическай үлэ бэтэрээнэ, Чараҥ, Уус Алдан.
- «Проникновенное исполнение» — Егорова Варвара, Табаҕа, Мэҥэ Хаҥалас.
- «Сильный образ» — «Чараҥ» литературнай куруһуок, Мээндиги, Амма улууһа.
- «Ис дууһаттанааҕыы» — Данилова Зоя-Кэкэрдэ, Дьокуускай.
Бары кыттааччылар ис сүрэхтэриттэн долгуйан, бэлэмнэнэн кыттыбыттарыгар хоһоон күрэһин тэрийээччилэр уонна дьүүллүүр сүбэ махталларын тиэрдэллэр. «Музыканан доҕуһуоллаабыттара, көстүүтүн ситэрэн-хоторон оҥоруулара, ис сүрэхтэриттэн аахпыттара хайҕаллаах. Бука барыгытыгар улахан махтал. Кыайыылаахтарга эҕэрдэ!»— диэн этэллэр.