Аны аҕыйах хонугунан «Хивус» тарыыба түһүө диэн урбаанньыт Борис Строев иһитиннэрдэ.
edersaas.ru
Бу күннэргэ Өлүөнэҕэ быһыы-майгы төһө да кытааттар, сымнаҕас уйуктаах суудуналар уонна аэроботтар сырыылара Дьокуускай — Аллараа Бэстээх хайысхатынан тохтообот. Бүгүҥҥү туругунан бу хайысханан 20 суудуна үлэлиир. Маны таһынан икки күнтэн бэттэх, бөртөлүөттэр көтөн эрэллэр. Өрүһүнэн да үөһэнэн да айан сыаната биир. 2000 солкуобай.
Борис Строев чугастааҕы кэмҥэ сыананы 1000 солкуобайга диэри намтатыахтаахтарын туһунан эттэ. Кини этэринэн, сырыы «стыковката» суох быһалыы буолуохтаах.
Бөртөлүөттэр көтөллөр, «Бурааннаахтар» сотору Хатаһынан туоратыахтара, дьон сатыы да түһүнүөхтэрэ. Ити эмиэ Строевтаах сыананы түһэрэр төрүөт буолуон сөп.
Анивера Акимова, «Саха сирэ» хаһыат, edersaas.ru