ХИФУга үөрэххэ киирбиттэрэ дуу, киирбэтэхтэрэ дуу хаһан биллиэй?

Ааптар: 
Бөлөххө киир:

Бэҕэһээҥҥи оскуола оҕолоро эксээмэннэрин ааһан, тургутууларын туттаран, билигин долгуйа кэтэһэр үөрүүлээх түгэннэрэ үүннүлэр. Хотугулуу-Илиҥҥи федеральнай университет үөрэҕин бары таһымыгар быйыл бүддьүөт миэстэтигэр, уопсайа, 4060, төлөбүрдээххэ 1800 кэриҥэ киһини үөрэххэ ылар былааннаах.

edersaas.ru

ХИФУ киин тутар хамыыһыйатын исписэлииһэ Петр Кычкин иһитиннэрбитинэн, атырдьах ыйын 10 күнүнээҕи туругунан, барыта, аҕыс тыһыынча абитуриентан 18472 сайабылыанньа киирбит. Ордук элбэх сайабылыанньаны мэдиссиинэ институтугар, финансовай-экономическай институкка, математика уонна информатика институтугар биэрбиттэр. “Бакалавриат, специалитет хайысхатыгар бүддьүөт миэстэтигэр куонкуруһу көрдөххө, экономикаҕа икки дипломнаах идэҕэ (Франция уонна ХИФУ) биир миэстэҕэ 24 киһи, менеджмеҥҥэ – 30 киһи куонкурустаһар. Итиэннэ өрүү буоларыныы юридическай бакылтыакка биир миэстэҕэ 26 киһи куонкурустаһар. Баларга бүддьүөт миэстэтэ аҕыйах буолан, куонкурус улахан. Онтон “лечебнэй дьыалаҕа” 726 сайабылыанньа киирбит. Бүддьүөт биир миэстэтигэр 6 киһи киирсэр”, — диэн билиһиннэрдэ.

Бакалавриат уонна специалитет хайысхаларыгар бүддьүөт миэстэлэригэр абитуриент үөрэххэ киирбитин дуу, киирбэтэҕин дуу быһаарыы хамсааһына атырдьах ыйын 19 күнүттэн саҕаланарын иһитиннэрдэ.

Бастакы түһүмэх (особые и целевые квоты) – атырдьах ыйын 22 күнүгэр

Иккис түһүмэх (уопсай куонкурус бастакы түһүмэҕэ) – атырдьах ыйын 24 күнүгэр

Үһүс түһүмэх (уопсай куонкурус иккис түһүмэҕэ) – атырдьах ыйын 26 күнүгэр

Төрдүс түһүмэх (орто анал үөрэхтэр) – атырдьах ыйын 28 күнүгэр.

Людмила ПОПОВА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0