Хамсык дьаҥынан сибээстээн, М.К. Аммосов аатынан Хотугулуу-Илиҥҥи федеральнай университет маҥнайгы кууруһун устудьуоннарыттан ураты куурустар бары 2020-2021 үөрэх дьылын ыраахтан олорон (дистанционно) саҕалаабыттара. Бүгүн ректор бирикээһигэр олоҕуран, уһаата.
ХИФУ ректора Анатолий Николаев бүгүҥҥү бирикээһигэр олоҕуран, Дьокуускай куоракка санитарнай-эпидемиологическай балаһыанньа уустугунан сибээстээн, ыраахтан олорон үөрэнии көрүҥэ балаҕан ыйын 30 күнүгэр диэри уһаата. Бирикээскэ ыйылларынан, Мэдиссиинэ институтун орто анал, магистратура, специалитет уонна ординатура бырагырааматыгар үөрэнэр устудьуоннарга үөрэх индивидуальнай кыраапыгын көрөргө диэн суруллар. Ону таһынан, 65-тэн аҕа саастаах уонна дьарҕарбыт ыарыылаах педагогтар үөрэҕи олоҕурбут көрүҥүнэн (очно) ыыталлара көҥүллэммэт диэн чопчуланар.
Онон Саха сирин биир сүрүн үрдүк үөрэҕин кыһата ыраахтан олорон үөрэниини ый бүтүөр диэри уһатта. Манна даҕатан эттэххэ, кэлиҥҥи сууккаҕа өрөспүүбүлүкэҕэ 67 киһи хамсыгынан ыалдьыбыта бигэргэммит.
Людмила ПОПОВА, “Саха сирэ” хаһыат, edersaas.ru