ХИФУ устудьуоннара уопсайга киирэн эрэллэр

Ааптар: 
Бөлөххө киир:

Бастакы түһүмэххэ ХИФУ 803 бастакы кууруһун устудьуона “Сэргэлээх” уопсайыгар киириэҕэ. Уопсайа, 1524 сайабылыанньа киирбитэ.

edersaas.ru

Уопсайга киириэхтэрин иннинэ мэдиссиинэ көрүүтүн ааһалларыгар анаан төлөбүрдэрин дистанционно ыытыахтаахтар. Уопсайга миэстэтигэр көрдөрүнэллэр. Ону тэҥэ, уопсайга олорууларын төлүүллэр диэн устудьуоннар уопсайдарын дириэктэрэ Степан Павлов этэр.

Мэдиссиинэ көрүүтүн ааһалларыгар быраастарга номнуо иммуноферментнай анаалыс (ИФА) баар буолуоҕа. Сорох анаалыстар биллэ иликтэр. Онон ХИФУ клиниката хас биирдии устудьуоҥҥа бэлэм буоллаҕына биллэриэхтээх. Ол эрэ кэнниттэн бастакы куурус устудьуона уопсайыгар тиийэр кыахтаах. Өскөтүн, устудьуон коронавируска анаалыһа “положительнай” буолар түгэнигэр, уопсайга киллэрбэттэр. Түмүгүн ПЦР-анаалыска бигэргэтиигэ ыыталлар”, — диэн дириэктэр быһаарар.

Бастакы куурус устудьуоннара баһаартан сэрэхтээх, нормативнай аахталар, уопсай иһинээҕи бэрээдэк, ону тэҥэ, хамсыктан сэрэхтээх буолуу  инструктаһын истэллэр диэн Степан Павлов кэпсиир. “Уопсайга киирии иккис түһүмэҕэр хас биирдии үөрэх салаатыгар (подразделение) ойуччу бэйэлэрин хамыыһыйалара үлэлиэҕэ. Устудьуон ирдэнэр докумуоннарын сыл устата хомуйан, бэйэлэрин үөрэнэр салааларын (подразделение) деканнарын уонна иитэр үлэҕэ дириэктэрдэрин солбуйааччыларыгар туттарыахтарын сөп”, — диэн бэлиэтиир.

Санатан эттэххэ, ХИФУ устудьуоннар уопсайга олороллоругар куттала суох буоларын туһугар миэрэни барытын ылбыта. Уопсайдарга барытыгар хамсык дьаҥыттан сэрэхтээх буолуу туһунан суруйуулары (памятка) ыйаабыттара, дезинфекциялыыр сириэстибэлэринэн, пирометрдарынан хааччыйбыттара, салгыны ыраастыыр тэриллэри (рециркулятор) туруорбуттара. “Дезинфекциялыыр сириэстибэлэри устудьуоннарга бэйэлэригэр түҥэтиэхпит. Клининговай хампаанньаны кытта дуогабарга хостору сууйуу көрүллүбэт. Уопсайдарга сыһыарыллыбыт эбийиэктэр салайааччылара уонна тэрийэр педагогтар, устудьуоннар дезинфекциялыыр сириэстибэни туһанан хосторун сууйалларын бэрэбиэркэлиэхтэрэ”, — диэн Степан Павлов эттэ.

Уопсайга киирэргэ ирдэнэр докумуон: пааспар, 3х4 кээмэйдээх үс хаартыска, уопсайга олоруу уонна мэдиссиинэ көрүүтүн төлөөбүтүн туоһулуур квитанция, ону тэҥэ устудьуоннар бэйэлэрин уруучукаларын илдьэ кэлиэхтээхтэр.

ХИФУ пресс-сулууспата.

+1
0
+1
0
+1
0
+1
0
+1
0
+1
0
+1
0