Хотугулуу-Илиҥҥи федеральнай университет научнай педагогическай Сэбиэтэ бу күннэргэ “ХИФУ сылын учуутала” уонна “ХИФУ итэҕэлин ылбыт учуутал” диэн ректор граныгар анаммыт куонкурус түмүгүн таһаарда. Куонкурус биир кэлим эксээмэни 100 баалга туттарар оҕолору бэлэмнээбит уонна үөрэнээччилэрэ ХИФУ-ка үөрэххэ киирбит учууталлары өйүүр сыаллаах.
Куонкурус түмүгүнэн кыайыылаахтарынан Физико-техническэй лиссийэ, Дьокуускай куорат национальнай гимназиятын, Куорат классическай гимназиятын уонна Бэрдьигэстээх улуустааҕы гимназиятын икки учуутала кыайыылааҕынан таҕыстылар. Кинилэр эксээмэннэрин 100 баалга туттарбыт уонна оскуола үөрэнээччилэрин Арассыыйатааҕы сэбиэтин олимпиадаларын кыайыылаахтарын бэлэмнээбиттэр.
Наҕараадалааһын кэмигэр ХИФУ педагогическай үөрэххэ проректора Михаил Федоров М.К.Аммосов аатынан федеральнай университет Саха сирин эрэ кытта буолбакка, Чукотка, Магадан, Камчатка үөрэхтэрин тэрилтэлэрин кытта өрүү үлэлэһэллэрин бэлиэтээтэ. “ХИФУ сылын учуутала”, “ХИФУ итэҕэлин ылбыт учуутал” уонна “ХИФУ сылын бастыҥ оскуолата” куонкурустар, ассоциацияҕа киирбит кыһалар ортолоругар номнуо бэһис сылын ыытыллар. Биһиги сорукпут – талааннаах учууталлары өйөөһүн, айар педагогическай кэлэктииби талыы”, — диэн проректор санаатын үллэһиннэ.
Санатан эттэххэ, 2010 сыллаахха “Хотугулуу-Илиҥҥи университет үөрэҕин уокуруга” диэн Ассоциация тэриллибитэ. Бүгүҥҥү күҥҥэ ассоциацияҕа 105 үөрэх тэрилтэтэ, онтон 27 үрдүкү таһымнаах кыһа уонна 47 биирдиилээн биридимиэттэри чиҥэтэн үөрэтэр оскуола буолар.
edersaas.ru, ХИФУ пресс-сулууспата.