ХИФУ сорох устудьуоннара ыам ыйын 11 күнүттэн тэйиччиттэн үөрэниэхтэрэ
М.К. Аммосов аатынан Хотугулуу-Илиҥҥи федеральнай университет пресс-сулууспата СИА-ҕа иһитиннэрбитинэн, ыам ыйын 11 күнүттэн уопсайга олорор, ол эрээри маай бырааһынньыктарыгар Дьокуускайтан барбыт устудьуоннар тэйиччиттэн олорон үөрэниэхтэрэ.
Улуустарга тахсыбыт уопсайга олорор устудьуоннар тэйиччиттэн үөрэнэллэрин туһунан дьаһал ыам ыйын 7 күнүгэр тахсыбыт. Докумуоҥҥа сурулларынан, бу миэрэ өрөспүүбүлүкэҕэ эпидемиологическай быһыы-майгы көнүөр диэри ылыныллыаҕа.
Пресс-сулууспа чуолкайдаабытынан, бырааһынньык күннэригэр уопсайга хаалбыт уонна Дьокуускайтан тахсыбатах устудьуоннар университеккэ кэлэн уонна ардыгар тэйиччиттэн олорон үөрэниэхтэрэ.
+1
+1
+1
+1
+1
+1
+1