Хотугулуу-Илиҥҥи федеральнай университет быйыл докумуоннары бэс ыйын 20 күнүттэн тутуоҕа. Ити туһунан сиһилии Хотугулуу-Илиҥҥи федеральнай университет ректора Анатолий Николаев инстаграмынан быһа сибээскэ тахсан абитуриеннар, төрөппүттэр ыйытыыларыгар хоруйдууругар иһитиннэрдэ.
edersaas.ru
Быйыл ХИФУ бары үөрэҕин хайысхатыгар 4154 бүддьүөт миэстэтэ көрүллүбүт. Ону таһынан, 1700-1800 төлөбүрдээх миэстэни былаанныыллар.
Докумуону үс көрүҥүнэн туттарыахха сөп:
— абитуриент тус кэбиниэтинэн (личный кабинет абитуриента),
— Буочтанан ыытан
— Дойду үрдүк үөрэхтэрин “Поступи в вуз онлайн” сервиһин нөҥүө
Ирдэниллэр докумуон:
— Пааспар
— Аттестат/диплом
— ИНН
— СНИЛС
— Хаартыска
— Медицинскэй ыспыраапка 086у/302н формалаах (баар буоллаҕына)
— Тус ситиһиини туоһулуур докумуон (баар буоллаҕына)
Докумуону тутуу болдьоҕо:
Саҕаланар: 2021 сыл бэс ыйын 20 күнүттэн
Түмүктэнэр:
— Университет бэйэтин эксээмэнин туттарааччылартан (бу орто анал үөрэх кэнниттэн туттарсааччылар, оскуоланы урукку сылларга бүтэрбиттэр, о.д.а.) – от ыйын 15 күнүгэр;
— биир кэлим эксээмэнинэн туттарсааччылартан (бакалавриат, специалитет) — от ыйын 29 күнүгэр;
— орто анал үөрэххэ туттарсааччылартан — атырдьах ыйын 15 күнүгэр.
Хас сайабылыанньа:
— Абитуриент 5-тэн элбэх үрдүк үөрэх тэрилтэтигэр (ВУЗ) сайабылыанньаны биэрбэт
— ХИФУ сүрүн кыһатыгар (головной ВУЗ) 5-тэн элбэх хайысхаҕа (направление) бэриллибэт
— ХИФУ филиалыгар 3-тэн элбэх сайабылыанньаны бэриллибэт
— ХИФУ сүрүн кыһатыгар уонна филиалга холбоон 10-тан элбэх сайабылыанньаны бэриллибэт
— магистратураҕа 3-тэн элбэх хайысхаҕа бэриллибэт
— ординатураҕа уонна аспирантураҕа 2-тэн элбэх сайабылыанньаны бэриллибэт
— Орто анал үөрэххэ – хааччах суох.
Людмила ПОПОВА, “Саха сирэ” хаһыат, edersaas.ru
Хаартыска: http://vesti95.ru/2016/07/vybor-abiturienta/