ХИФУ сыыппара экэниэмикэтигэр каадырдары бэлэмнээһиҥҥэ үөрүйэҕэ «Навыки будущего для 2020-х» сиэссийэҕэ бастыҥынан ааттаммыт.
«Навыки будущего для 2020-х: новая надежда» бырайактыыр сиэссийэ иитинэн, Хотугулуу-Илиҥҥи федеральнай университет Future Skills хамсааһын сайдыытын быраактыкатын билиһиннэрбит. Профессиональнай компетенциялары сайыннарыы ааҕыныстыбата уонна үрдүк үөрэх кыһаларын кэллиэгийэтэ ХИФУ Future Skills көрдөрүүлэрин РФ үрдүк үөрэҕин кыһаларыгар күөн күрэскэ кыайыылаахтары таларга рейтиҥҥэ киллэрэргэ этиитин ылыммыттар. Бу туһунан үрдүк үөрэх кыһатын саайтыгар иһитиннэрэллэр.
Үөрэх, наука министиэристибэтэ уонна РФ Бырабыыталыстыбата Future Skills үрдүк үөрэх кыһатын ситиһиилэрин учуоттуулларыгар ааҕыныстыба үлэни ыытар буолуоҕун туһунан «Future Skills:NEFU» киин дириэктэрэ Роман Гоголев иһитиннэрбит.
«Биһиги көҕүлээһиммитин өйөөтүлэр. Көрдөрүүнү киллэриинэн университеттар кыттыылара улаатыа. Мантан инньэ, табылыннаҕына, былаанынан дойду үрдүк үөрэҕин кыһаларыгар WorldSkills уонна Future Skills сайыннарыыга сүрүннүүр сэбиэккэ киириэхпит«, — диэбит. «ХИФУ биһиги улахан үлэни оҥордубут уонна Арассыыйаҕа үрдүк үөрэх кыһаларыгар WorldSkills хайысхатыгар бигэ позицияланныбыт. Маныаха Арассыыйаҕа, аан дойдуга күрэстэргэ кыайыылаахтар, призердар бааллар. Биһиги устудьуоннары бэлэмнээһиҥҥэ систиэмэлээн биэрээччилэринэн, инники иһээччилэринэн буоллубут. Биһиги бүгүҥҥү сорукпут — үөрүйэхпитин скилл-кэмп киэбинэн тарҕатыы«, — диэбит Роман Гоголев.
+1
+1
+1
+1
+1
+1
+1