ХИФУ преподавателлэригэр уонна үлэһиттэригэр биэдэмистибэ наҕараадаларын туттардылар

Ааптар: 
Бөлөххө киир:

Хотугулуу-Илиҥҥи федеральнай университет бэрэпиэссэрдэрин-преподавателлэрин састааба уонна үлэһиттэрэ биэдэмистибэ махтал суруктарынан уонна наҕараадаларынан бэлиэтэннилэр. Наҕарааданы үрдүк үөрэх тэрилтэтин 56 үлэһитэ ылла, кинилэр кэккэлэригэр биэс киһиэхэ Арассыыйа Билимин уонна үрдүк үөрэҕин министиэристибэтин бочуоттаах кырааматаларын туттардылар.

Үрдүк үөрэх кыһатын бары үлэһиттэрэ хаһан эрэ эмиэ устудьуон этилэр. Татьяналар күннэригэр хас биирдиибит устудьуоннааҕы доҕотторун, кыһалҕата суох билии сомсубут, кэлин ол үлэбитигэр туһалаабыт кэмнэрин ахтан ааһабыт. Университет – бу улахан эппиэтинэһи уонна билиини ирдиир улахан кэлэктиип. Хайдах устудьуон уонна кэнэҕэһин өрөспүүбүлүкэҕэ, дойдуга туһалыыр үөрэҕи бүтэрээччи буолан тахсара чопчу биһигиттэн тутулуктаах”, — диэн ХИФУ ректора Анатолий Николаев бэлиэтээтэ.

СӨ үөрэҕин уонна билимин миниистирин бастакы солбуйааччы Михаил Присяжнай Устудьуоннар күннэринэн эҕэрдэтин тиэртэ. Кини ааспыт сыл эрэгийиэҥҥэ үгүс түгэнинэн өйдөнөн хаалбытын,  олортон саамай сүрүннэринэн Саха судаарыстыбатыннай университета тэриллибитэ 65 сыла буоларын бэлиэтээтэ: “Бу сылларга университет бэйэтэ да сайдар, өрөспүүбүлүкэни даҕаны сайыннарар. Бу үөрэх бырагыраамалара эрэ буолбатах, федеральнай университет тэрийэр уонна өйүүр бүтүн салаалара”.

Устудьуоннар күннэрин иннинэ университет бэлиэтэммит преподавателлэриттэн биирдэстэринэн  ХИФУ Мэдиссиинэҕэ институтун неврологияҕа уонна психиатрияҕа кафедратын сэбиэдиссэйэ Татьяна Николаева буолар. Бэрэпиэссэр Арассыыйа Билимҥэ уонна үрдүк үөрэххэ министиэристибэтин бочуоттаах кыраамататын тутта. Татьяна Николаева кэлиҥҥи сылларга билим-чинчийэр үлэ модун кыаҕы ылбытын, бу араас граннарга уонна билим-үөрэтэр кииннэригэр кыттарга кыаҕын кытта сибээстээҕин бэлиэтээн эттэ.

Биһиги кафедрабыт бүгүҥҥүтэ цереброваскулярнай ыарыылары, бастатан туран бохсууну (инсульт) чинчийиигэ улахан үлэни ыытар. Нейродегенеративнай ыарыыларга чинчийиилэр бараллар. Улахан болҕомтону неврология билимин сайдыытын өрө таһаарыахтаах  устудьуоннары уонна аспираннары кытта научнай-чинчийэр үлэҕэ болҕомтону уурабыт”, — диэн Татьяна Николаева бэлиэтээтэ.

Санатан эттэххэ, Устудьуоннар күннэрин көрсө ХИФУ-га үгүс сыллар тухары университет сайдыытыгар кылааттарын киллэрбит бэрэпиэссэрдэр-преподавателлэр састааптарын бэлиэтиир үгэс олохсуйбута. Бүгүн үрдүк үөрэх кыһатын саҥа көлүөнэ устудьуоннарын 1500-тэн тахса преподаватель үөрэтэр.

ХИФУ пресс-сулууспата.

+1
0
+1
0
+1
0
+1
0
+1
0
+1
0
+1
0