ХИФУ-га Наука сылын чэрчитинэн ыытыллар тэрээһин геостратегическай сайдыы туһунан пленарнай дискуссия буолан ааста.
edersaas.ru
Кэпсэтиигэ Камчатскай кыраай губернатора Владимир Солодов кыттыыны ылла. Уһук Илин биир эрэгийиэнин баһылыга бу күҥҥэ кинилэр эрэгийиэннэрэ Уһук Илиҥҥи федеральнай университеты кытта бииргэ тэрийбит үөрэх бырагыраамаларын туһунан кэпсээтэ. Владимир Солодов бигэ санаатынан эрэгийиэн университеттара бэйэлэрин сирдэригэр баар кыһалҕалары барытын бэйэ күүһүнэн сабарга дьулуһуо суохтаахтар, төттөрүтүн чугас сытар эрэгийиэн университеттарын кытта бииргэ сайдыы быһыытынан үөрэтэн таһаарар исписэлиистэрин атастаһа олоруохтаахтар. Бу этэрин мэктиэлээн Камчатка губернатора Уһук Илиҥҥэ киирэр эрэгийиэннэри кытта научнай-үөрэтэр эйгэҕэ үлэлэһэргэ бэлэмин биллэрдэ. “Холобур ДВФУ-га үөрэнэр устудьуон икки сыл университекка үөрэнэн баран биһиэхэ Камчаткаҕа кэлэн практика барыан сөп”, — диир Камчатка губернатора.
АФК «Система» дириэктэрдэрин сэбиэтин бэрэссэдээтэлэ Владимир Евтушенков Саха сиригэр баар үлэлиир кыахтары сөҕө көрбүтүн туһунан эттэ. “Бүгүн университет ректорын кытта кэпсэттим, манна үөрэхтээх ыччат элбэх, интелектуальнай сайдыы таһыма үрдүк. Уопсай бырайыактары оҥорорго бэлэммит, бэлиэр оҥоруохха сөптөөх былаанар үөскээтилэр”, — диэтэ АФК «Система» салайааччыта.
Астраханскайдааҕы судаарыстыбаннай университет ректора Константин Маркелов кэллиэгэлэрин этиитин өйөөтө: “Холбоһон үлэлээһиҥҥэ тиийиэх тустаахпыт Университеттар научнай-чинчийэр консорциумнарга түмсүүлэрэ сайдыы суола буолуоҕа”, — диэтэ.
«Саха сирэ» хаһыат, edersaas.ru
Хаартыска www.s-vfu.ru