![](https://edersaas.ru/wp-content/uploads/2023/09/379b24b4cc82d0514e17faac7ebebf95-900x596.jpeg)
Балаҕан ыйын 25 күнүгэр сыллааҕы сайыҥҥы үлэ симиэстирин түмүктүүр өрөспүүбүлүкэтээҕи сүлүөккэ бастыҥ байыастарга наҕараадалары туттардылар. Бэлиэтээн эттэххэ, Хотугулуу — Илиҥҥи федеральнай университет устудьуоннар этэрээттэригэр 1500 — ча ыччат баар. Оттон өрөспүүбүлүкэ үрдүнэн бу сайын 2700 — тэн тахса байыас тутуу этэрээттэригэр үлэлээбит.
Байыастар Краснодарскай, Приморскай, Камчатскай кыраайдарга, Сахалин уонна Амур уобаластарыгар үлэлээбиттэр. Үлэ сүрүн хайысхаларынан педагогика, тутуу, сервис, тыа хаһаайыстыбата, мэдиссиинэ буолбуттар.
«Российские Студенческие Отряды» тэрилтэ Саха эрэгийиэннээҕи салаатын PR- салаатын исписэлииһэ Анжелика Захарова, ХИФУ устудьуоннар этэрээттэрин ыстаабын хамандыыра Олег Сергучев, ХИФУ устудьуоннар этэрээттэрин хамыһаара Анисия Титова Арассыыйатааҕы устудьуоннар этэрээттэрин үрдүк наҕараадаларын туттулар.
«Лучший командир студенческих отрядов Республики Саха (Якутия)» анал аат хаһаайынынан геологоразведочнай факультет устудьуона Терентий Третьяков буолла.