ХИФУ дьаарбаҥкатыгар 100-тэн тахса үлэ биэрээччи кытынна

Ааптар: 
Бөлөххө киир:

Бүгүн, кулун тутар 2 күнүгэр Хотугулуу-Илиҥҥи федеральнай университет Дьокуускай куорат үрдүк уонна орто үөрэх кыһаларын бүтэрээри сылдьар эдэр дьонугар анаан сыллата ыытар дьаарбаҥката буолла.

edersaas.ru

Тэрээһин аһыллыытыгар ХИФУ педагогическай үөрэххэ проректора Михаил Федоров: “Быйылгы сыл Саха сиригэр Үлэлээх буолууну көҕүлээһин сылынан биллэриллибитэ. Онон сибээстээн, эдэр исписэлиистэри үлэнэн хааччыйыыга күүстээх үлэ ыытыллар. ХИФУ  бакаансыйаҕа дьаарбаҥката – эрэгийиэн каадырга кыаҕын сайыннарар биир хаачыстыбалаах хайысхата буолар. Сыллата федеральнай университеты 3000-тан тахса күнүскү үөрэх устудьуона бүтэрэр. Итинтэн 75-80 бырыһыана үлэнэн хааччыллар”, — диэн бэлиэтээн эттэ.

ХИФУ дьаарбаҥката үөрэхтэрин бүтэрээри сылдьар устудьуоннар үлэ биэрээччини кытта атах тэпсэн олорон кэпсэтэллэригэр, хамнас туһунан сиһилии туоһулаһалларыгар, салгыы үүнүү-сайдыы туһунан ыйыталаһалларыгар, социальнай өттүнэн хааччыллыы, Үлэлээх буолуу сулууспатын үлэһиттэриттэн сүбэ-ама ылалларыгар уонна үлэлэрин сөпкө талалларыгакр кыах биэрэр, услуобуйа олохтуур.

СӨ Үөрэҕин уонна наукатын министиэристибэтин каадыр үлэтигэр уонна судаарыстыбаннай сулууспаҕа салаатын салайааччыта Анна Гуляева иһитиннэрбитинэн, бүгүҥҥү күҥҥэ өрөспүүбүлүкэ үрдүнэн үөрэх эйгэтигэр 800 миэстэ баар эбит, итинтэн 223 Арктика улууһугар. “Ыраах улууска үлэлии бараргытыттан куттанымаҥ. Билигин бары улууска барытыгар кэриэтэ суотабай сибээс баар, түргэн интэриниэти киллэрэргэ үлэ ыытыллар. Тус бэйэм үлэбин Үөһээ Бүлүү биир уһук сытар Туобуйа оскуолатыттан саҕалаабытым. Баара-суоҕа 58 үөрэнээччилээҕэ. Кэлин үлэҕит ситиһиитинэн киэн туттуоххут”, — диэн Анна Гуляева санаатын үллэһиннэ.

Быйылгы дьаарбаҥкаҕа “Якутскэнерго”, “Ростелеком”, “Аэропорты Севера”, “Сунтаравтодор” курдук бөдөҥ суудаарыстыбаннай тэрилтэлэр, уопсайа, 100-тэн тахса үлэ биэрээччи кыттынна.

 ХИФУ пресс-сулууспата, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0