М.К. Аммосов аатынан Хотугулуу-Илиҥҥи федеральнай университет бэс ыйын 20 күнүттэн абитуриеннартан, 2021-2022 үөрэх дьылыгар докумуоннары тутан саҕалыаҕа.
Бэс ыйын 20 күнүттэн бакалавриакка, специалитекка, орто үөрэхтэргэ туталлар. Онтон магистратураҕа, аспирантураҕа от ыйын 12 күнүттэн саҕалыахтара.
Докумуону үс көрүҥүнэн ыытыахха сөп:
- ХИФУ саайтыгар «абитуриент тус кэбиниэтин” нөҥүө онлайн
- “Госуслуги” порталынан “Поступление в вуз онлайн” суперсервис нөҥүө онлайн
- Арассыыйа почтатынан.
Санатан эттэххэ, Хотугулуу-Илиҥҥи федеральнай университет 12 институттаах, 5 факультеттаах, 3 филиаллаах.
Үрдүк үөрэҕи таһынан университет орто үөрэхтэргэ эмиэ бэлэмниир. Ол курдук, Инфраструктурнай технология кэллиэһэ (КИТ), юридическай кэллиэс үлэлииллэр. Итини таһынан, финансовай-экономическай институт, мэдиссиинэ институтун иһинэн орто үөрэхтээх үлэһиттэри бэлэмнииллэр.
2021-2022 үөрэх дьылыгар туттарсыы быраабылатын, ирдэбилин туһунан видеону манна көрүөххүтүн сөп.
Людмила ПОПОВА, “Саха сирэ” хаһыат, edersaas.ru
Хаартыска: ХИФУ