Маны аах Үөрэх уонна наука

ХИФУ Арассыыйатааҕы судаарыстыбаннай университеты кытта дуогабардаста

Москва куоракка ХИФУ бэрэстэбиитэллэрэ уонна Арассыыйатааҕы судаарыстыбаннай физкултуурунай университет дуогабар түһэристилэр. Дуогабар сүрүн соругунан ХИФУ физкултуурунай институтун туризмҥа, успуорка хаапыдыратын кытта бииргэ үлэлэһии буолла.

Бу тула ХИФУ физкултуурунай институтун туризм, успуорт уонна маассабай көрүҥнэр хаапыдыраларын сэбиэдэссэйэ Ариан Егорович Тарасов санаатын үллэһиннэ:

— Биһиги университеппыт уонна Арассыыйатааҕы судаарыстыбаннай физкултуурунай университеты кытта бииргэ үлэлэһии туһунан сөбүлэҥ түһэристибит. Ол курдук, икки университет кыттыһан, биир сүбэнэн туризмы, успуорду сайыннарыыга үлэлиэхпит. Сүрүннээн үөрэх, наука, научнай чинчийэр үлэлэр уонна устудьуоннар быраактыкаларын хардарыта таары икки сиринэн тэрийэр туһунан кэпсэттибит. Маны сэргэ үөрэх, дьарык сбордарын, күрэхтэһиилэри барытын биир сүбэнэн тэрийии туһунан буолла. Преподавателлэр, тириэньэрдэр таһымнарын үрдэтэр куурустарга үөрэттэриигэ соруктар турдулар.

2022 сылга институппут иһинэн диссертационнай сэбиэт аһыллар. Маныаха дуогабар түһэрсибит университеппыт сүбэ-ама, көмө оҥоруох буолла. АСФСУ ректорын кытта көрсөн кэпсэттибит. Хайдах быһыылаахтык үлэбитин саҕалыырбытын чопчуластыбыт. Ректор тута преподавателлэригэр кэлэр күһүҥҥүттэн бииргэ үлэлэһиини саҕалыыр туһунан сорудахтаата.

Ульяна Захарова.

Хаартыскалар Ариан Тарасов архыыбыттан туһанылыннылар.

2
0