Атырдьах ыйын 20 күнүгэр Екатеринбург куоракка норуоттар икки ардыларынааҕы университет успуордун бэстибээлин аһыллыыта буолан ааста. Аан дойду 36 дойдутуттан хамаандалар кыттыыны ылаллар.
М.К. Аммосов аатынан Хотугулуу-Илиҥҥи федеральнай университет чиэһин 14 устудьуон түөрт көрүҥҥэ көмүскүүр: дзюдо, самбо, бокса, көҥүл уонна греко- римскэй тустуу.
ХИФУ иһинэн устудьуон успуордун сайыннарар Киин салайааччыта Александр Черкашин биллэрэринэн, устудьуоннар ыарахан тургутууну ааспыттар. Ол курдук, кинилэр Арассыыйа чөмпүйээнэттэрин кыайыылаахтара, элбэх төгүллээх кыттааччылара буолаллар.
Универсиадаҕа биһиги устудьуоннарбыт өссө да чөмпүйүөннүү иликтэрэ биллэр. Ол эрээри, устуоруйаны көрдөххө, призердар олус элбэхтэр.
281 үрдүк үөрэх устудьуоннара успуорт 14 көрүҥэр күрэхтэһиэхтэрэ. Бастакы күрэхтэһии атырдьах ыйын 19 күнүгэр саҕаламмыт. Бэстибээл атырдьах ыйын 31 күнүгэр түмүктэниэҕэ. Барыта 192 мэтээл туһугар спортсменнар күрэс былдьаһыахтара.