Дьиэҕэ олорор эрэсиими тутуһар кэмҥэ дьон бэйэ-бэйэтигэр үгүс үтүө дьыаланы оҥорор буолбута олус кэрэхсэбиллээх.
edersaas.ru
Биир оннук холобуру Хатас олохтооҕо Наталья Руфова маннык кэпсиир:
— Хас биирдии тэрилтэ тэлгэһэтэ тулаайахсыйан, уку-суку турара кистэл буолбатах. Биһиги улахан тэлгэһэбит да оннук этэ.
Хатас нэһилиэгин олохтоохторо, тэрилтэлэр кэлэктииптэрэ өссө сэбиэскэй кэм саҕаттан, нэһилиэк уопсастыбаннай олоҕор олус көхтөөхтөр, бэйэ-бэйэлэрин өрүү өйөһөллөр.
Ол холобурун соторутааҕыта “Ситим” Оҕо айымньытын дьиэтин үлэһиттэрэ (сал. Саргылана Стручкова) көрдөрдө.
Ол курдук, “Тускул” Култуурунай киин тэлгэһэтигэр 260 сибэккини олордон, биһигини, үлэһиттэри эрэ буолуо дуо, манна кэлэн сынньанар нэһилиэк олохтоохторун барыларын үөртүлэр.
Елена ПОТОЦКАЯ «Саха сирэ» хаһыат, edersaas.ru
