2021 сылга Хатас сэлиэнньэтин олохтоохторугар биир үөрүүлээх түгэнинэн, атырдьах ыйыгар успуорт комплексын атаҕын үөрүүлээх быһыыга-майгыга түһэрии буолбута.
edersaas.ru
Үөрүүлээх быһыыга-майгыга СӨ Ил Дархана Айсен Николаев, Дьокуускай куорат баһылыга Евгений Григорьев, министиэристибэлэр, биэдэмэстибэлэр салайааччылара, олохтоохтор уо.д.а. кыттыбыттара.
Тутар-таҥар үлэлэр бу сыл кулун тутар бүтүүтүттэн саҕаланыахтара. 400 миэстэлээх успуорт комплекса уопсайа 2 тыһыынчаттан тахса квадратнай миэтэрэ иэннээх буолуоҕа.
Бу туһунан Дьокуускай куорат дьаһалтатын онлайн көрүҥүнэн ыытыллыбыт отчуотугар этиллэн, Хатас олохтоохторо өр кэмҥэ иитиэхтии сылдьыбыт эрэллэрэ, хас да сыллаах туруорсуулара туолуох курдугуттан үөрүүлэрэ үксээтэ.
Комплекс «2022-2024 сылларга Саха Өрөспүүбүлүкэтигэр физическэй култуураны уонна успуорду сайыннарыы» СӨ судаарыстыбаннай бырагырааматынан тутуллуоҕа.
Надежда ЕГОРОВА, «Саха сирэ» хаһыат, edersaas.ru