Хатас сонуна: 100 сыллаах үбүлүөй өрөгөйүгэр анаммыт тэрээһиннэр

Ааптар: 
Бөлөххө киир:

Дьэ кырдьыга хаһан эрэ уонча сыллааҕыта САССР 100 сылыгар анаммыт тэрээһиннэргитин былааннааҥ, барыллааҥ дииллэригэр ол күн ыраах курдуга. Этэҥҥэ олордоххо дьыл-кэм хардыытын уталыйбат сокуонунан биллибэккэ хаалла. Күн сарсын үтүөкэн күн үүнүө, 100 сылбыт томточчу туолуо.

Хатаспытыгар былааннаммыт, барыбытыгар туһуламмыт тэрээһиннэри таһынан хас биирдии тэрилтэ бэйэтэ эмиэ туспа ыытта. Олортон быһа тардан кэпсээтэххэ, П.Н., Н.Е.Самсоновтар ааттарынан Хатас  оскуолата бүгүн 100 киһилээх күргүөм ырыаны ньиргиттэ, бэҕэһээ эмиэ бу кэлэктиип эр дьоннорун ансаамбыла М.Жирков музыкатыгар «Сахам сирэ барахсан» диэн саха дууһалаах бары сүрэххэ дууһаҕа чугас ылынар ырыабытыгар «Тускул» КК кытта бииргэ үлэлэһэн клип таһаардылар, сахабыт сирин киэҥ киэлитин устун куйаар нөҥүө ыыттылар. М.Жирков быйыл төрөөбүтэ 130 сыла. Ырыа аранжировкатын ырыа туһугар туһуламмыт үгүс элбэх үлэни ыыппыт, ыыта сылдьар Ө.Луҥха оҥорбута уонна бу ансаамбылы кытта ыкса сибээстээхтик үлэлиир.

Хатастааҕы «Ситим» айымньы дьиэтин кэлэктиибэ бу күннэргэ төлөннөөх М.Аммосов төрөөбүт төрүт дойдутугар — Хатырыкка автопробег тэрийдилэр. Бары биир тэрилтэ дьоно буолалларын биллэрэн анал көстүүмнээх, анал былаахтардаах  (өрөспүүбүлүкэ, куорат, Хатас), анал бырагыраамалаах, болдьоспут көрсүһүүлээх тэрээһин буолла. Элбэҕи биллилэр, көрдүлэр,бэйэлэригэр саҥаны,сонуну арыйдылар. Саха дьонун сиэринэн өттүк харалаах, кэһиилээх баран бэлэх — туһах туттардылар, бэйэлэрин кэпсээтилэр. Кэлэр көлүөнэ ыччаты дойдуга бэриниилээх буолууга иитиигэ икки өттүттэн бииргэ үлэлэһиэх буоллулар.

Наталья Руфова, Хатас.

+1
0
+1
0
+1
0
+1
0
+1
0
+1
0
+1
0