Уопсастыба

Хатас-Павловскай хайысханан 3 туоннаҕа диэри уйуктаах көлөлөр сылдьыахтара

Мууһунан туоруурга хас туоннаҕа диэри көҥүллэннэ?

Дьокуускай уонна Мэҥэ Хаҥалас оройуонун сиригэр-уотугар Өлүөнэни мууһунан туоруурга, Хатас-Павловскай туһаайыытынан, 3 туоннаҕа диэри уйуктаах тырааныспарка аһылынна диэн тырааныспар уонна суол хаһаайыстыбатын министиэристибэтэ иһитиннэрэр.

Кыһыҥҥы суолунан 3 туонаттан үөһээ уйуктаахха суолу арыйыы  муус төһө халыҥыырыттан көрөн, түһүмэхтэринэн ыытыллыаҕа.

Эбийиэги бүгүн, ахсынньы 3 күнүгэр, мууска таһаҕас уйугун уонна мууһунан туорааһын тэхиньиичэскэй өттүн бэрэбиэркэлээһини хонтуруоллуур хамыыһыйа тутта. Туорааһыҥҥа айанныыр икки балаһа уонна икки саппаас балаһа туһаныллыахтара.

Куттал суох буолуутун нуормалара тутуһуллалларын туһугар өрөспүүбүлүкэ массыына суолларын управлениета Өлүөнэ кытылларыгар ыйааһыны хонтуруоллуур пууну суукканы эргиччи үлэлэтэр, видеофиксацияны туруорар.

Сахагов саайтан

Бэлэмнээтэ Женни Стрюкова

Хаартыска: тустаах саайтан

 

0
0

Добавить комментарий