Хатас – Павловскай хайысханан кыһыҥҥы суол ахсынньы 6 күнүгэр аһыллыан сөп

Бөлөххө киир:

Өлүөнэ өрүскэ «Хатас – Павловскай»  хайысханан кыһыҥҥы суол ахсынньы 6 күнүгэр, бэнидиэнньиккэ,  3 туоннаҕа диэри ыйааһыннаах  тимир көлөлөргө аһыллыан сөбүн туһунан иһитиннэрдилэр.

«Мехдорстрой»  ХЭУо  кылаабынай инженерэ Станислав Евсеев «Бэнидиэнньиккэ ГИМС уонна  өрөспүүбүлүкэтээҕи суол управлениеларын хамыыһыйалара мунньустан, суол анал бэлиэлэрин туруортаан баран, сөптөөх быһаарыныыны ылыахтара.  Барыта этэҥҥэ буоллаҕына, ахсынньы 6 күнүгэр эбиэт кэнниттэн ити хайысханан кыһыҥҥы суол аһыллыа», — диэн быһаарда.

Кини иһитиннэрбитинэн, Хатас диэкиттэн барыыга муус халыҥа 40 см тиийбит, оттон  Павловскай диэки 30 см буолбут. Бу хайысхаҕа мууһу халыҥатыы үлэтэ сэтинньи ортотуттан саҕаламмыта.

+1
0
+1
0
+1
0
+1
0
+1
0
+1
0
+1
0