Маны аах Уопсастыба

Хатас кырдьаҕастара Ньукуолун аһыттан маппатылар

Ньукуолун чэчиэринньигин күн Хатаска булчут дьоммут өбүгэ үгэһин тутуһан, баай Байанай бэрсибитин аймахтарга тарҕаттылар, ыалларга бэристилэр, үөлээннэхтэриниин үллэһиннилэр.

 

Үөрүүлээх сурах ити диэкиттэн кэллэ, бу диэкиттэн иһилиннэ, сүрэҕи өрүкүттэ, саха буоларбытын биллэрдэ. Хатаска Байанай күрэҕэ мээнэҕэ уонунан сылларга тэриллибэтин, Хатаска дьиҥ чахчы саха эр дьоно баалларын туоһутунан куска көҥүл бэриллээтин кытта, били этэргэ дылы, »чэ» диэти кытта түһүнэн кэбиһии буолла.

Инньэ гынан, Ньукуолуну көрсө миин иһээччи булчут куһун ахсаанын саҕа элбээтэ. Ол курдук, элбэхтэн биир холобур:  бэҕэһээ Хатас ыччата, эдэр ыал аҕа быһылыга, тренер, спортсмен, доҕор, табаарыс, быраат Григорий Евсеев Вера Дмитриевна Матвееваҕа Байанай бэлэҕиттэн бэристэ, үөрүүтүн үллэһиннэ.
Түгэнинэн туһанан, ыал дьоммор элбэх оҕолоох эдэр дьиэ кэргэҥҥэ Анастасия уонна Иван Татариновтарга бэрсибит кустарын иһин махталбын биллэрэбин.
Дьэ, ити курдук, дьиҥ саха олохсуйан олорор Хатас нэһилиэгэ үтүө-мааны дьонунан сайда үүнэ турдун.  Ылбаҕай ыччаттаахпыт, эйэҕэс эдэр дьонноохпут тухары эстэн быстан биэриэхпит суоҕа.

«Саха сирэ», edersaas.ru cайтка анаан Наталья РУФОВА, Хатас.

15
1