Бүгүн дойду телевизионнай эфирин лиидэрэ НТВ телеканал “Ты супер!” бырайыагын сүүмэрдиир түһүмэҕэ буолла. Бу бырайыакка Саха сириттэн Үөһээ Бүлүүтээҕи детдом “Хатан” вокальнай-инструментальнай ансаамбыла кыттан, кэлэр түһүмэххэ эрэллээхтик ааста.
Жюрига олорор Россия биллэр ырыаһыттара, ырыа айааччылара биһиги оҕолорбутун хайҕаатылар, биһирээтилэр. Арай ырыаһыт Стас Пьеха баҕалаах кунуопканы баттаабакка саха дьонун кыһытта.
Үөһээ бүлүүлэр уолаттарын ситиһиилэригэр үөрэннэр, Сэмиэнэптэр дьиэ кэргэн «Ты супер!» диэн суруктаах бөрүөк астыы оҕустулар.
Бу ссылкаҕа киирэн «Хатаннарга» куоластаа: http://www.ntv.ru/peredacha/Super/team/59380/15030/
«Хатан» ансаамбылы Роман Гаврильевич Кысылбаиков салайар. «Хатаннары» эҕэрдэлиибит! Маладьыастар!
Хаартыска: Сэмиэнэптэр дьиэ кэргэн архыыптарыттан уонна Интэриниэттэн.
Сонуннартан быһа тардыы
+1
+1
+1
+1
+1
+1
+1