Бу, Крым соҕуруу кытылыгар турар, өрдөөҕүттэн аатырбыт-сураҕырбыт норуоттар икки ардыларынааҕы Оҕо киинигэр “Артыакка” сынньанар путевканы “Хатан” вокальнай-инструментальнай ансаамбыл оҕолоругар Ил Дархан Егор Борисов бэйэтэ туттарыаҕа.
Татьяна МАРКОВА, «Саха сирэ» хаһыат, edersaas.ru
Ол туһунан, Россия НТВ ханаалын “Ты супер” бырайыагар ситиһиилээхтик кыттыбыт Үөһээ Бүлүү детдомун оҕолоругар Москваҕа Россия Президенигэр Саха сирин бастайааннай бэрэстэбиитэлэ Юрий Куприянов иһитиннэрдэ.
Оттон СӨ үөрэх миниистирин бастакы солбуйааччы Феодосия Габышева бу Москватааҕы көрсүһүү кэмигэр, өрөспүүбүлүкэ салалтата Үөһээ Бүлүүтээҕи Оҕо киинин кытта, выпускниктар салгыы үрдүк үөрэх кыһаларыгар киириилэрин туһунан кэпсэтиһиилэри ыытарын туһунан бэлиэтээн эттэ.
“Хатан” бөлөҕү билигин хайыы -үйэҕэ өрөспүүбүлүкэ араас бөдөҥ тэрээһиннэригэр кыттарга ыҥыраллар.
Ол курдук, чуолаан, аны сайын Үөһээ Бүлүүгэ ыытыллар “Манчаары Оонньууларын” кэмигэр, дьон-норуот ортотугар, “Хатаннарга”, Россия бу номоххо киирбит “Артыак” оҕо лааҕырыгар путевка туттарыллыаҕа, диэн биллэрэр Бастайааннай Бэрэстэбиитэлистибэ пресс-сулууспата.
Татьяна МАРКОВА, «Саха сирэ» хаһыат, edersaas.ru