Доруобуйа Уопсастыба

Хат дьахталлар коронавируһунан ыалдьаллара элбээтэ

Кэнники кэмҥэ өрөспүүбүлүкэҕэ оҕо күүтэр хат дьахталлар уонна оҕоломмут ийэлэр коронавируһунан ыалдьар түгэннэрэ үс төгүл элбээтэ диэн доруобуйа харыстабылын министиэристибэтэ иһитиннэрэр.

Пандемия саҕаланыаҕыттан 1064 хат дьахтар коронавируһунан ыалдьыбыт. Билигин 34 дьахтар ыалдьа сылдьар диэн министиэристибэ кылаабынай акушер-гинеколога Екатерина Ущницкая этэр.

Кинилэр Перинатальнай кииҥҥэ эмтэнэллэр. Бу дьахталлар 30%-ра ыараханнык ыалдьаллар, сэбиргэхтэтэллэр. Дьахталлар ыарахан буоллахтарына, иммуннай, сүрэх-тымыр, бүөр, тыҥа ыарыылара, диабеттара, гипертониялара, анемиялара ордук бэргииллэр, онон инфекция ыараханнык ааһар. Кинилэр быһыыны ылаллара көҥүллэммэт. Онтон эмтээһини федеральнай киини – академик В.Кулаков аатынан Национальнай акушерство, гинекология, перинотология киинин үлэһиттэрин кытары сүбэлэһэн, ыыталлар.

Быраастар оҕолонуон баҕарар, былаанныыр дьахталлары үс ый инниттэн коронавируһу утары быһыыны ылалларыгар сүбэлииллэр.

Ангелина Васильева, “Саха сирэ” хаһыат, edersaas.ru

Хаартыска: ykt.ru

0
0