Уопсастыба

Хас биирдии онус кирэдьиит кэмигэр төлөммөтөх

Арассыыйаҕа балаҕан ыйын 1 күнүгэр 7,1 мөлүйүөн кирэдьиит болдьоҕор төлөммөтөх эбэтэр хас онус киһи ылбытын төлөөбөтөх диэн суруйаллар. Идэлээх коллектордар ааҕыныстыбаларын национальнай ассоциацията кирэдьиит устуоруйатын бөрүөтүн кытта кыттыһан ыыппыт чинчийиилэрин түмүгүнэн быһаарбыттар.

edersaas.ru  

Аналитиктар быһаарбыттарынан, хас биирдии онус киһиэхэ бэриллибит кирэдьиит кыһалҕалааҕын, ол эбэтэр 90 күн иһигэр төлөммөтөх диэн чопчулаабыттар. 7,1 мөлүйүөн кирэдьиит дефолт ыстаадьыйатыгар сылдьар, ити быйылгы сыл саҥатынааҕы көрдөрүүнү кытта тэҥнээтэххэ 3 %-нан элбэҕин, ол эрээри, 2020 сыл күһүнүттэн икки төгүл аҕыйаҕын ыйаллар. Кэмигэр төлөммөтөх кирэдьиит 60 %-на уу харчынан, 37 %-на каартанан эбит.

Холобур быһыытынан эттэххэ, коронавирус дьаҥа тарҕаныан иннинэ 2019 сыллаахха 5 %-нан түспүт диэбиттэр. Ол эрээри, ону элбэх кирэдьиит бэриллэр итиэннэ коллектордарга биэрэр буолан биллэрбэт диэн ыйбыттар этэ.

Бука, итинник көстүү дьон олоҕун таһымын көрдөрөн эрдэҕэ диэн сабаҕалыахха сөп. Судаарыстыба коронавирус дьаҥа тарҕаммытын кэннэ үлэтэ суох хаалбыттары өйүүр миэрэни мээнэҕэ ылбатаҕа чахчы.

 

Людмила ПОПОВА, “Саха сирэ” хаһыат, edersaas.ru

Хаартыска: https://mywallet.ua/blog/vse-o-kreditah/kak-pogasit-prosrochennyj-kredit/

0
0