Доруобуйа

Харыстыыр мааска суолтатын сүтэрбэт

“Билигин сыстыганнаах ыарыылартан харыстанарга саамай сөптөөх ньыманан сыл аҥаарыгар биирдэ быһыыны ылыы буоларын уонна вируска хаптаран  ыалдьар түбэлтэҕэ чэпчэкитик аһарыахха сөбүн туһунан Арассыыйа Доруобуйа харыстабылын министиэристибэтэ сэрэтэр.

edersaas.ru

Арассыыйа эрэгийиэннэригэр быһыыны биэрэр пууннар салгыы үлэлииллэр, препараттар саппаастара баар.

Дьон элбэхтик сылдьар сиригэр маасканы кэтии ханнык баҕарар респираторнай ыарыы бэриллэр кутталын аҕыйатар. Маасканы ордук күһүн уонна кыһын – гириип уонна ОРВИ өрө турар кэмигэр кэтэргэ сүбэлииллэр.

СӨ Роспотребнадзор управлениета ковид ыарыы аҕыйаабытын уонна хааччахтааһыннар  үксэ уһуллубуттарын да иһин, сайыҥҥы кэмҥэ ковид-19 тарҕанар куттала син биир баарын санатар.

Онуоха ковид кэмигэр туһаныллыбыт харыстанар ньымалар туһалаахтар.

Надежда ЕГОРОВА, “Саха сирэ” хаһыат, edersaas.ru

 

 

0
0
Telegram @edersaas20